नयाँ भनिएका दल समेत पारिवारिक क्लवमा रुपान्तरण हुन पुगेको छ । रास्वपाका सभापति सहकारी ठगी प्रकरणमा मुछिएर कारागारमा छन् भने सिके राउत आफैं पत्नीसँगको पारिवारिक उल्झनमा छन् । उस्तै पारिवारिक लफडामा फसेका छन्,रेशम चौधरी ।
बिज्ञापन
श्रीमान श्रीमतीको घर झगडाको कारण विवादै विवादमा फस्दै गएको नागरिक उन्मुक्ति पार्टीको अध्यक्षमा लालवीर चौधरीलाई अध्यक्ष घोषणा गरेको हो । पार्टीका संरक्षक रेशमलाल चौधरीले कान्छी पत्नी रञ्जितालाई जिम्मेवारीबाट हटाएर बुवा लालवीरलाई अध्यक्ष बनाएका हुन ।
बिज्ञापन
पार्टीको राष्ट्रिय भेलाले बिहीबार चौधरीलाई नयाँ अध्यक्षमा चयन गरेको हो । हिजोदेखि सुरु भएको राष्ट्रिय भेलाले पार्टीका अध्यक्ष रञ्जिता श्रेष्ठलाई साधारण सदस्य समेत नरहने गरी अध्यक्षबाट हटाएको थियो ।
सो ठाउँमा आज नयाँ अध्यक्ष चयन गरिएको चौधरीको निजी सचिवालयले जनाएको छ । नाउपाका सांसदसमेत रहेका लालवीर रेशम चौधरीका बुबा हुन् । उनी बर्दियाबाट निर्वाचित भएका थिए ।
