संघीय मामिला तथा सामान्य प्रशासन मन्त्रालयले सेवाग्राहीको अब सेवाग्राहीको गुनासो सुन्नका लागि छुट्टै केन्द्र स्थापना गरेको छ । नवनियुक्त मन्त्री भगवती न्यौपाने उपसचिवको नेतृत्वमा गुनासो व्यवस्थापन केन्दै शुरुवात गरेकी हुन ।
बिज्ञापन
आज एक कार्यक्रमका बीच मन्त्री न्यौपानेले गुनासो व्यवस्थापन केन्द्रको शुभारम्भ गरेकी हुन । मन्त्रालयका अनुसार यो केन्द्रले मन्त्रालयको कार्यक्षेत्र र कार्यसम्पादनसँग सम्बन्धित विषयका गुनासाहरू व्यवस्थापन गर्न गुनासो व्यवस्थापन इकाईको रूपमा कार्य गर्नेछ ।
बिज्ञापन
कर्मचारीहरुले सेवाग्राहीबाट प्राप्त गुनासोहरु अध्ययन र वर्गीकरण गरी सम्बोधनको प्रक्रिया अगाडि बढाउनेछन् । केन्द्रले गुनासाहरुको संकलन, वर्गीकरण र सम्बोधन गर्नेछ । कुनै निर्धारित विधि र प्रक्रिया पुरा गर्नु नपर्ने सामान्य प्रकृतिका सूचना वा जानकारी दिनुपर्ने वा स्पष्ट गर्नुपर्ने किसिमका गुनासा भए गुनासो सहजकर्ताले तत्कालै सम्बोधन गर्ने व्यवस्था मिलाइएको छ ।
गुनासो केन्द्रमा रहने कर्मचारीहरुले तत्कालै सम्बोधन गर्न नसक्ने प्रकारको गुनासो भए समाधानका लागि सम्बन्धित शाखामा पठाउने र सम्बन्धित शाखाले तत्काल सम्वोधन गर्न सम्भव हुने गुनासा शाखा प्रमुखबाट तत्कालै सम्बोधन हुनेछ ।
शाखा प्रमुखले तत्काल सम्बोधन गर्न नसक्ने गुनासा सम्बन्धित महाशाखा प्रमुखसँग छलफल गरी तीन दिनभित्र सम्बोधन गर्ने र सम्बन्धित महाशाखा प्रमुखबाट सम्बोधन हुन नसक्ने प्रकृतिका गुनासा महाशाखा प्रमुखले आवश्यकता अनुसार अन्य महाशाखा प्रमुख र मन्त्रालयका सचिवसँग समन्वय गरी सात दिनभित्र सम्बोधन हुने मन्त्रालयले जनाएको छ ।
बिज्ञापन
नीतिगत रुपमा सम्बोधन गर्नुपर्ने प्रकृतिका गुनासाहरु सम्बन्धित महाशाखा प्रमुखको प्रस्तावमा मन्त्रालयको उच्च व्यवस्थापन समूहको बैठकमा छलफल गरी निर्णय भए बमोजिम मन्त्रीस्तरीय निर्णयबाट एक महिनाभित्र सम्बोधन गरिने व्यवस्था मिलाइएको मन्त्रालयले जनाएको छ ।
