बिज्ञापन

बिज्ञापन

उनले भनिन्, “सरुवा प्रणालीको सुधार अनिवार्य छ। त्यसका लागि यथाशीघ्र रायसुझावसहित परिमार्जित मापदण्ड पेश गर्नुस्।”

मन्त्री न्यौपानेले विगतमा बनेका मापदण्ड कार्यान्वयनमा कमजोर देखिएकाले अब कडाइका साथ अनिवार्य रूपमा लागू गरिने स्पष्ट पारिन्।

सरुवा प्रणालीलाई पूर्वअनुमानयोग्य (predictable) बनाउन पनि उनले जोड दिएकी छन्। यसबाट कर्मचारीमा पारदर्शिता र विश्वसनीयता कायम हुने उनको विश्वास छ।

यसैबीच, मन्त्री न्यौपानेले निजामती कर्मचारीहरूको गुनासो सुन्न मन्त्रालयमै छुट्टै गुनासो सुनुवाइ संयन्त्र निर्माण गरिने जानकारी पनि दिइन्।

“कर्मचारीका गुनासोलाई औपचारिक रूपमा सुन्ने र सम्बोधन गर्ने संरचना हामी बनाउँदैछौं,” मन्त्री न्यौपानेले भनिन्, “यस्तो संयन्त्रले कर्मचारी सन्तुष्टि र प्रणालीको सुधार दुवैमा योगदान पुर्‍याउनेछ।”