संघीय मामिला तथा समान्य प्रशासन मन्त्री राजकुमार गुप्ताको मोवाइल आज बिहानै देखि अफ छ । हिजोदेखि उनको घुस काण्डको अडियो संवाद सामाजिक सञ्जालमा छरपष्ट भएसँगै मन्त्री गुप्तालाई आज बिहानै प्रधानमन्त्री केपी शर्मा ओलीले वालुवाटारमा बोलाएर केरकार गरेका थिए । मन्त्री गुप्ताको मोवाइल त्यस यता निरन्तर अफ छ ।
बिज्ञापन
गुप्ताले भूमि आयोग बनाउन विचौलियासँग २५ लाख र कास्कीस्थित मालपोत कार्यालयका प्रमुखको सरुवा रोक्न ५३ लाख गरी ५८ लाख डिल गरेको अडियो छरपष्ट भएसँगै उनको राजीनामा माग्न थालिएको छ,संसदमै ।
बिज्ञापन
यही समयमा अहिले साँझ वालुवाटारमा मन्त्रिपरिषद्को बैठक बसिरहेको छ । साँझ पौने सात बजेदेखि शुरु भएको बैठक अहिले जारी छ ।
प्रधानमन्त्रीको सरकारी निवास बालुवाटारमा बसिरहेको बैठकमा घुस काण्डमा मुछिएका संघीय मामिला तथा सामान्य प्रशासनमन्त्री राजकुमार गुप्ता पनि सहभागी रहेका छन् । मन्त्री गुप्ताको घुस काण्ड बाहिरिएपछि आज बिहानै प्रधानमन्त्री ओलीले मन्त्री गुप्तालाई बालुवाटार बोलाएर केरकार गरेका थिए । प्रधानमन्त्रीसँगको भेटपछि मन्त्री गुप्ता मोबाइल अफ गरेर बसेका थिए।
बिज्ञापन
क्याविनेट बैठक सकिएपछि बालुवाटारमै सत्ता गठबन्धनको बैठक बोलाइएको छ । जहाँ नेपाली कांग्रेसका सभापति शेरबहादुर देउवा र सरकारलाई दिएको समर्थन फिर्ता लिने घोषणापछि पनि अनिर्णित रहेको जनता समाजवादी पार्टी, नेपालका अध्यक्ष उपेन्द्र यादव सहभागी हुने बताइएको छ । देउवासँग सल्लाह र सहमतिपछि बल्ल मन्त्री गुप्तबारे प्रमले निर्णय लिनसक्ने स्रोतले बताएको छ ।
