काठमाडौं महानगरपालिकाको आगामी आर्थिक वर्ष २०८२/८३ का लागि २५ अर्वको बजेट ल्याउने भएको छ । आज बसेको महानगरको कार्यपालिका बैठकले आइतबार दिउँसो २ बजेका लागि नगरसभा बैठक बोलाउने निर्णय गरेको हो । सोही दिन बिहान ९ बजे कार्यपालिकाको बैठक बस्नेछ ।
बिज्ञापन
आज दिउँसोका लागि बोलाइएको बैठकमा मेयर वालेन साहसँग २४ वटा एजेन्डा रहे पनि एउटा मात्र प्रस्ताव राख्ने राखेका मेयर साहले २३ वटा एजेण्डामा प्रवेशै गरेनन् । उनले प्रमुख प्रशासकीय अधिकृतलाई समेत सम्बोधन गरेनन् । यस अघि पालिकाको प्रमुख प्रशासकीय अधिकृतलाई सम्बोधन गर्ने प्रचलन भए पनि मेयर वालेन साहले उपमेयर सुनिता डंगोललाई सम्बोधन गरेका थिए भने सबै कर्मचारीहरुलाई एकमुष्ठमा कर्मचारीज्यूहरु भन्दै सम्बोधन गरेका थिए । बालेनले महानगरपालिकाको बजेट आगामी २९ असार (आइतबार) आउने जानकारी दिए । सोही दिन बिहान ९ बजे कार्यपालिका बैठक बस्ने समेत उनले जानकारी दिए ।
बिज्ञापन
साहले महानगरपालिकाको आगामी २९ असार (आइतबार) कार्यपालिका बैठक बस्ने जानकारी गराए पछि सो एजेन्डामा नगरकार्यपालिकाका सदस्यहरूले ताली बजाएर समर्थन जनाए। लगत्तै मेयर बालेनले बैठक सकिएको घोषणा गरे ।
आगामी आर्थिक वर्षको बजेटमा आर्थिक विकास क्षेत्रतर्फ ३ प्रतिशत, कार्यालय सञ्चालन तथा प्रशासनिक १४ प्रतिशत, पूर्वाधार विकासतर्फ ५१ प्रतिशत, सामाजिक विकासतर्फ २० प्रतिशत र सुशासन तथा अन्तरसम्बन्धित क्षेत्रतर्फ १२ प्रतिशत बजेटको सीमा तोकिएको छ ।
बिज्ञापन
