सङ्घीय निजामती सेवा विधेयक २०८० राष्ट्रियसभामा टेबुल गरिएको छ । बुधबार बसेको बैठकमा राष्ट्रियसभाका सचिव डा सुरेन्द्र अर्यालले उक्त विधेयकका सम्बन्धमा प्रतिनिधिसभाबाट प्राप्त सन्देश टेबुल गरेका हुन् ।
बिज्ञापन
गत जेठ २ गते संसदको राज्य व्यवस्था तथा सुशासन समितिबाट पारित भइ असार १ गते प्रतिनिधि सभामा टेवल भएको उक्त विद्येयक असार १५ मा प्रतिनिधि सभाबाट पारित भएको थियो । पारित भएको विद्येयकमा कुलिङ अफ पिरियडको प्रावधानमा नै छेडखानी गरिएको बिषयले अहिले चर्चा पाइरहेको छ । दफा ८२ को उपदफा ४ मा ‘कुलिङ परियड’ लागु हुने, उपदफा ५ मा लागु नहुने लेखिएसँगै अहिले यो बिषयले संसदीय समितिमा चर्काे बहसको बिषय समेत बनिरहेको छ ।
बिज्ञापन
यसैबीच प्रतिनिधि सभाबाट पारित भएको तीन दिन पछि संघीय निजामती सेवा विद्येयक राष्ट्रिय सभामा टेबुल भएको छ । त्यसअघि बैठकको शून्य समयमा राष्ट्रिय सभाका सदस्यहरूले सङ्घीय निजामती सेवा विधेयकमाथि चलखेल भएको भन्दै छानबिन हुनुपर्ने माग गरेका छन् ।
कानुन निर्माण जस्तो विषयमा भएको किर्ते कार्यमा संलग्नलाई संसदीय समिति बनाएर कारबाही गर्न उनीहरुले माग गरे ।
बिज्ञापन
