संघीय निजामती सेवा विद्येयक प्रतिनिधि सभाबाट पारित गर्ने तयारी छ । संघीय संसद सचिवालयले तयार गरेको कार्यसूची अनुसार आजको संघीय संसद्अन्तर्गत प्रतिनिधिसभाको बैठकबाट सो विद्येयक पारित गर्ने कार्यसूचीमा राखिएको छ ।
बिज्ञापन
प्रतिनिधि सभाको बैठक आज दिँउसो १ बजे बस्दै छ । कार्यसूची अनुसार आजको बैठकमा सभामुख देवराज घिमिरेले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार थपसम्बन्धी पत्रको बेहोरा पढेर सुनाउनेछन् ।
बिज्ञापन
त्यसपछि संघीय मामिला तथा सामान्य प्रशासनमन्त्री राजकुमार गुप्ताले ‘राज्यव्यवस्था तथा सुशासन समितिको प्रतिवेदनसहित संघीय निजामती सेवा विधेयक, २०८० माथि छलफल गरियोस्’ भनी प्रस्ताव प्रस्तुत गर्नेछन् ।
मन्त्री गुप्ताले नै ‘संघीय निजामती सेवा विधेयक, २०८२ लाई पारित गरियोस्’ भनी प्रस्ताव प्रस्तुत गर्ने सम्भावित कार्यसूची रहेको संसद् सचिवालयले जनाएको छ ।
बिज्ञापन
आइतबार दिउँसो १ बजे प्रतिनिधि सभाको बैठक बस्दैछ । जहाँ ‘राज्य व्यवस्था तथा सुशासन समितिको प्रतिवेदन सहित संघीय निजामती सेवा विधेयक, २०८० लाई पािरत गरियोस्’ भन्ने प्रस्ताव प्रस्तुत हुनेछ । यसअघि पनि यो विषय कार्यसूचीमा चढेको थियो । तर, अगाडि बढ्न सकेको थिएन । संसदीय समितिबाट पास भएर यो विधेयक यही १ असार २०८२ मा प्रतिनिधि सभामा पेस भएको थियो । ३ असारमा पारित गर्ने कार्यसूची नै तय भएको थियो । तर, त्यसदिन प्रतिनिधि सभा कार्यसूचीमा प्रवेश नै गरेन । त्यसपछि पुन यो विषय कार्यसूचीमा चढेको हो ।
उक्त विद्येयक राज्य व्यवस्था तथा सुशासन समितिबाट गत जेठ २ गते पारित भएको थियो । एक महिनासम्मको रस्साकस्सी पछि गत असार १ गते राज्यव्यवस्था तथा सुशासन समितिका सभापति रामहरि खतिवडाले प्रतिनिधि सभामा पेश गरेको उक्त विद्येयक दुई सातादेखि त्यही अड्कदै आएको थियो ।
विद्येयकको सबैभन्दा पेचिलो बनेको कुलिङ पिरियड प्रावधान हटाउने बिषयमा शीर्षस्थ राजनीतिक दल एमाले,काँग्रेस र माओवादी नै एकै ठाउँमा उभिएसँगै विद्येयक पारित हुने सम्भवना बढेको राज्य व्यवस्था तथा सुशासन समितिका एक सदस्यले बताएका छन् ।
