अनिवार्य अवकाशमा गएको २२ दिनपछि सचिव रघुराम विष्टले अर्काे नियुक्ति पाएका छन् । आज बसेको मन्त्रिपरिषद्को बैठकले सार्वजनिक खरिद पुनरावलोकन समितिको संयोजकको जिम्मेवारी रघुराम विष्टलाई दिएको हो । सो समितिको सदस्यहरूमा इन्जिनियरिङ सेवाबाट रोहितकुमार बिसुराल र केही दिनपछि लागु हुनेगरी अर्का सदस्यमा थानेश्वर गौतमलाई नियुक्त गरिएको र समितिको पदावधि तीन वर्षको रहेको छ । सार्वजनिक खरिद ऐन, २०६३ ले परिकल्पना गरेअनुसार सार्वजनिक खरिद पुनरावलोकन समिति गठन हुँदै आएको छ ।
बिज्ञापन
विष्ट गत जेठ २४ गते अनिवार्य अवकाशमा गएका हुन । उनलाई अवकाशको मुखमा प्रदेशबाट महालेखा नियन्त्रकको कार्यालयमा ल्याइएको थियो । ५८ वर्षे उमेर हदका कारण सचिव विष्ट अनिवार्य अवकाशमा गएका विष्टलाई अवकाशको दुई साता पछि नै अर्काे लाभको पद हात लागेको छ । विष्ट २९ वर्ष सरकारी सेवामा बिताएर सेवानिवृत्त भएका हुन ।
बिज्ञापन
विष्ट अघिल्लो बर्ष कार्तिकमा सचिवमा बढुवा भएका थिए । ४ पटक लगातार बढुवा सिफारिस भएर पनि बढुवा गरिएको थिएन उनलाई । पाँचौं पटक ज्येष्ठताका आधारमा उनलाई सचिव बढुवा गरिएको थियो । सचिव बढुवा भएपछि उनलाई गण्डकी प्रदेशको प्रमुख सचिवको जिम्मेवारी दिएर पदस्थापन गरिएको थियो ।
