बिज्ञापन

बिज्ञापन

उच्च अदालत तुलसीपुर बुटवल इजलासका न्यायाधीश राजेश्वर तिवारीलाई मुख्य न्यायाधीश नियुक्तिका लागि सिफारिस गरेको हो।

यस्तै न्याय परिषद्का अनुसार उच्च अदालत दिपायलमा नियुक्ति भई वैदेशिक रोजगार न्यायाधिकरणमा काजमा रहेका न्यायाधीश गोकर्ण डाँगीलाई उच्च अदालत जनकपुर, अस्थायी इजलास वीरगञ्ज सरुवा गरिएको छ भने वैदेशिक रोजगार न्यायाधिकरणको अध्यक्ष पदमा उच्च अदालत पाटन, हेटौंडा इजलासमा कार्यरत न्यायाधीश डा शान्ता सेढाई सापकोटालाई तोक्न सिफारिस गरिएको छ ।

यसअघि गत मंगलबार न्याय परिषद्ले सर्वोच्च अदालतमा ३ न्यायाधीश नियुक्तिका लागि सिफारिस गरेको थियो। तीमध्ये २ जना उच्च अदालतका मुख्यन्यायाधीश थिए। मुख्य न्यायाधीशद्वय श्रीकान्त पौडेल र शान्ति सिंह थापा सर्वोच्चमा सिफारिस भएपछि उनीहरूको खाली स्थानमा समेत गरी नयाँ मुख्य न्यायाधीश सिफारिस गरिएको हो। उच्च अदालतमा २४ न्यायधीशको दरबन्दी रिक्त रहेको छ भने सर्वाेच्चमा १ पद रिक्त राखेर तीन जना न्यायधीशमात्र नियुक्ति सिफारिस भएका छन् ।