बिज्ञापन

बिज्ञापन

ओली क्याबिनेटका विवादित मन्त्रीहरुमा रमेश लेखक,दिपक खड्का,राजकुमार गुप्ता,दामोदर भण्डारीको नाम आउने गर्दछ । व्यापारीका हित हुने गरी काम गरेको,कर्मचारी सरुवामा मोलमोलाइ,भिजिट भिसा प्रकरण, हाइड्रो कम्पनीहरूको लाइसेन्स, ठेक्का प्रकरणमा मुछिएका छन्,यी मन्त्रीहरु । यस्तै संस्कृति, पर्यटन तथा नागरिक उड्डयनमन्त्री बद्रिप्रसाद पाण्डे एउटा समूहबाट निरन्तर लखेटिने मन्त्रीमा परेका छन् । यस्तै कार्यसम्पादनमा कमजोर अंक पाएका केही मन्त्रीहरु पनि रेड जोनमा छन् ।

विशेष गरी तीनवटा ‘उ’ उद्योग, ऊर्जा र उड्डयनका मन्त्रीहरु रेड जोनमा छन् । ओलीकै रोजाईमा दोश्रो पटक मन्त्री भएर उद्योगको नेतृत्व गरिरहेका भण्डारी सिमेन्ट,सुपारी प्रकरणका कारण विवादित छन् ।
ओली क्याविनेटका सबैभन्दा विवादित मन्त्री हुन,ऊर्जामन्त्री दीपक खड्का । यस अघि स्काउटकै जग्गाको करोडौं रकम नतिरेर विवादित उनी अहिले हाइड्रोको निर्माण ठेक्कामा पनि उनी विवादमा आएका थिए ।

गृहमन्त्री रमेश लेखक भिजिट भिसा प्रकरणका कारण विवादित छन् । उनकै कार्यकालमा त्रिवि अध्यागमनबाट ४ महिनामै सुरेश पन्थीलाई कसुरजन्य विभागमा तानेर त्यहाँ तिर्थ भट्टराईलाई पठाइएको थियो । आफ्नो सचिवालयमा भ्रष्टाचारीमा डामिएका कर्मचारी राखेर भिजिट भिसा प्रकरणबाट दैनिक पचासौं लाख घुस बुझ्ने गरेको आरोप लागिरहेको छ,उनीमथि । यद्यपि देउवा गृहमन्त्री रमेश लेखकलाई हटाउन तयार छैनन् ।
यस्का अलवा उद्योग, वाणिज्य तथा आपूर्तिमन्त्री दामोदर भण्डारी र संघीय मामिला तथा सामान्य प्रशासनमन्त्री राजकुमार गुप्ता ‘डेञ्जर जोन’ मा छन् ।