गृहमन्त्री रमेश लेखकले कर्मचारीमाथि अनुसन्धान हुँदैमा आफूले राजीनामा नदिने प्रष्टाएका छन् ।

बिज्ञापन

भिजिट भिसा प्रकरणमा जोडिएर पार्टीभित्रै राजीनामा माग हुन थालेपछि उनले कर्मचारीमाथि अनुसन्धान हुँदैमा आफूले राजीनामा नदिने बताएका हुन । यस्ता प्रकरणहरु उठ्दा यस अघि मन्त्री शेरबहादुर तमाङ,गोकुल बाष्कोटादेखि सडक आन्दोलन उठ्ता शिक्षा मन्त्री विद्या भट्टराईले नैतिकतका आधारमा राजीनामा दिएका थिए । त्यही कारण मन्त्री लेखकलाइए समेत राजीनामा दिएर छानबिनलाई सघाउन आवाज उठ्दै जाँदा लेखकले भने कर्मचारीमाथि प्रश्न उठ्दैमा आफूले राजीनामा नदिने प्रष्टाएका छन् ।
पछिल्लो समय त्रिवि अन्तराष्ट्रिय विमानस्थलबाट भिजिट भिसाका नाममा दैनिक ५० लाखसम्म उठाएर मन्त्रालयसम्म भागबण्डा हुने गरेको बिषय बाहिरिरहेको छ । तर अध्यागमन कार्यालयसँग जोडिएको घटनामा आफूविरुद्ध नियोजित र षड्यन्त्रपूर्वक झुटा प्रचारबाजी भइरहेको बताउँदै आफ्नो राजनीतिक जीवनमा एउटा मात्रै पनि आर्थिक अनियमितता प्रमाणित भए पदबाट मात्रै नभई राजनीतिबाटै राजीनामा दिने बताएका छन् ।