‘बा’प्रंशशामा रमाइरहेका सरकार प्रमुख केपी शर्मा माथि लाग्ने गरेको एउटा आरोप हो – आलोचना नस्वीकार्ने, आत्माआलोचना नै गर्ने ।
आलोचना गर्नेहरुलाई भित्तामै पु¥याउने उनै ओली सरकारले पछिल्लो नौ महिनामा प्रख्यात सामाजिक सञ्जाल प्लाटफर्म टिकटकबाट दुई लाख बढी आलोचनात्मक भिडियोहरु हटाएको पाइएको छ । अर्थात सरकारले प्रतिदिन औसतमा ७४० का भिडियो हटाउँदै आएको भेटिएको छ । दैनिक रुपमा सरकारको आलोचना गरेर बनाइएका ७४० भन्दा बढी भिडियो सरकारकै सिफारिसमा टिकटकले हटाउँदै आएको सञ्चार मन्त्रालयका अधिकारीहरुले अनौपचारिक कुराकानीको क्रममा जनाएका छन् । टिकटक नेपालमा दर्ता भए यता झण्डै ३० लाख नेपाली भिडियोहरु उडाइएको छ अर्थात हेर्न नमिल्ने बनाइएको छ । तीमध्ये अश्लिल,कम्युनिटी गाइडलाइन्सका कारण २८ लाख भिडियो हटाइएका हुन भने बाँकी २ लाख सरकारका आलोचनामा निर्मित । हालसम्म २ लाख बढी भिडियो सरकारकै सिफारिसमा हटाइएको सञ्चार मन्त्रालयका प्रतिनिधिहरुले जनाएका छन् ।

बिज्ञापन

कम्युनिटि गाइडलाइन्स पालना नगरिएका ३० लाख भिडियो डिलिट गरिएकोमध्ये झण्डै दुई लाख सरकारको आलोचना गरेर निर्माण गरिएका भिडियोहरु रहेको जनाइएको छ । यसरी हेर्दा दैनिक ७४०,मासिक २२ हजार २ सय २२ र पछिल्ला नौं महिनामा २ लाख टिकटक भिडियोहरु सरकारको आग्रह अनुसार हटाइएका हुन । सञ्चार मन्त्रालयका अनुसार, ‘कम्युनिटि गाइडलाइन्स फ्लो नगरेको भनेर तीस लाख भिडियो अहिलेसम्म हटाइएका छन्,जसमध्ये ६ प्रतिशत सरकारको सिफारिसमा हटाइएका हुन । ०८१ भदौमा सरकारले विभिन्न सर्त अघि सारेपछि गत बर्ष कार्तिकमा टिकटक नेपालमा सूचीकृत भएको थियो । सूचीकृत गरिँदा सरकारले अनुरोध गरेलगत्तै सामग्री हटाउने प्रतिवद्धता जनाएको थियो,टिकटकले सोही अनुसार,उक्त कम्पनीले नेपालमै प्रतिनिधि राखेर भिडियोहरू रिभ्यु गरिरहेको छ । हटाइएका ३० लाख भिडियोमध्ये ६ प्रतिशत सरकारको आलोचना गरेर बनाइएका भिडियोहरु रहेका छन् ।