काठमाडौं महानगरपालिकाले कर्मचारीको तलब खातामा हालिदिएको छ । महानगरका प्रमुख प्रशासकीय अधिकृत सरोज गुरागाईं काममा फर्किएपछि सबै जनप्रतिनिधि र कर्मचारीहरुले रोकिएको ३ महिनादेखि ५ महिनासम्मको तलब पाएका हुन ।
बिज्ञापन
मेयर वालेन साहले प्रमुख प्रशासकीय अधिकृत सरोज गुरागाईंलाई ३ महिना अघि कारबाही गरेपछि सबैको तलब रोकिएको थियो । सोही कारण प्रमुख प्रशासकीय अधिकृत गुरागाई बिदामा थिए । प्रमुख प्रशासकीय अधिकृत अस्ति जर्वजस्त महानगरपालिकामा हाजिर गरेसँगै झण्डै ४ हजार कर्मचारीहरुले तलब पाएका हुन । तलबिहिनको अवस्थामा रहेका कर्मचारीहरुले गत २१ गते प्रमुख प्रशासकीय अधिकृत गुरागाईंलाई जबर जस्ती कार्यालय प्रवेश गराएका थिए । कार्यालय प्रवेश गरेर गुरागाईँले हाजिर गरेसँगै गुरागाईँले २२ गते शुक्रबार खर्च निकासा गरेका थिए ।
बिज्ञापन
महानगरमा तलब निकासाको काम वित्त विभागमार्फत हुन्छ। गुरागाईंले कार्यालयमा हाजिर गरेसँगै राजस्व खाता सञ्चित कोषमा रहेको रकम खर्च खातामा सारेपछि कर्मचारीको खातामा तलब गएको हो। यसको निर्णय प्रमुख प्रशासकीय अधिकृतलाई मात्रै हुन्छ। रकम सार्ने प्रक्रियाको फाइलमा वित्त विभाग र प्रमुख प्रशासकीय अधिकृतले सही गरेर प्रक्रिया अघि बढाएका थिए गत शुक्रावर ।
शनिवार र आइतबार सार्वजनिक बिदा भएका कारण रोकिएको तलब आज सबै जनप्रतिनिधि र कर्मचारीको खातामा पठाइएको महानगरपालिकाले जनाएको छ ।
बिज्ञापन
महानगरपालिकाका कतिपय शिक्षकहरूले ५ महिनादेखिको तलब पाएका थिएनन् भने महानगरपालिकाका मेयरदेखि सरसफाइ कर्मचारीका तीन महिना देखि तलब पाएका थिएनन् । महानगरपालिकाले तलबका लागि १ अर्ब १३ करोड रुपैयाँ बराबरको तलब निकासा गरेको जनाएको छ ।
