अख्तियार दुरुपयोग अनुसन्धान एक खरिदार र लेखापढी व्यवसायीविरुद्ध भ्रष्टाचार मुद्धा दायर गरेको छ । आयोगले भूमिसुधार तथा मालपोत कार्यालय महोत्तरीका खरिदार र त्यहाँका लेखापढी व्यवसायीलाई प्रतिवादी बनाउँदै मुद्धा दायर गरेको हो ।

बिज्ञापन

जग्गाको ट्रायल चेक गरी नक्सा सुधार गर्न सहजीकरण गरिदिने भनी सेवाग्राहीसँग घुस लिएको आरोपमा पक्राउ परेका खरिदार मुन्नु कुमार दास र लेखापढी कानून व्यवसायी जिवछ महतोसहित तीन जनाको अनुसन्धान सकेर शुक्रबार विशेष अदालतमा आरोपपत्र दायर गरेको अख्तियारले जनाएको छ । जग्गाको ट्रायल चेक एवं क्षेत्रफल सुधार गरी लालपूर्जा बनाईदिने प्रयोजनार्थ सेवाग्राहीसँग घुस तथा रिसवत माग गरी लिएको पुष्टि भएकाले दीपेन्द्र नारायण चौधरी, मुन्नु कुमार दास र जिवछ महतोविरुद्ध आरोपपत्र दायर गरिएको आयोगले जनाएको छ ।