प्रतिनिधि सभाको राज्य व्यवस्था तथा सुशासन समिति अन्तर्गतको उपसमितिमा छलफल चलिरहेको संघीय निजामती विद्येयक यो अधिवेशनमा पनि नआउने भएको छ ।
बिज्ञापन
यही संसद् अधिवेशनबाटै संघीय निजामती सेवा ल्याउने उद्घोष मन्त्री राजकुमार गुप्ताले गर्दै आएका भए पनि संघीय निजामती सेवा ऐन चालु संसद् अधिवेशनबाट पनि आउने भएको हो ।
बिज्ञापन
महिना दिन अगाडि गठन भएको उपसमितिमा विवादित बिषयहरुमा उपर गोप्य रुपमा विधेयकसँग सरोकार राख्ने सरकारी पक्षहरू लोकसेवा आयोग, संघीय मामिला तथा सामान्य प्रशासन मन्त्रालय, कानुन मन्त्रालयका पदाधिकारीले गोप्य बैठक चलिरहेको छ । राज्यव्यवस्था समितिका सभापति रामहरि खतिवडाले संघीय निजामती विधेयकका १ देखि १० दफासम्म टुंगो लगाएर उपसमितिमा पठाएको थियो । संघीय निजामती विधेयकमाथि छलफल गर्न राज्यव्यवस्था समितिले सत्तारुढ कांग्रेस सांसद दिलेन्द्रप्रसाद बडू संयोजकत्वमा काँग्रसकै तर्फबाट ईश्वरीदेवी न्यौपाने, एमालेका रघुजी पन्त र लिलानाथ श्रेष्ठ, माओवादीका हितराज पाण्डे, रास्वपाका डा चन्दा कार्की, राप्रपाका बुद्धिमान तामाङ, जसपाका अशोक राई, जसपा नेपालका प्रकाश अधिकारी, एकीकृत समाजवादीका राजेन्द्र पाण्डे र लोसपाका सर्वेन्द्रनाथ शुक्ला सदस्य रहेका छन् ।
जहाँ कर्मचारी ट्रेड युनियन,अवकाश पछि कुलिङ पिरियड राख्ने वा नराख्ने भन्ने बिषयमा सांसदहरु राख्नुपर्ने पक्षमा छन् भने प्रशासकहरु राख्नु नहुनपर्ने लविइङमा छन् । यस्तै अतिरिक्त सचिव राख्ने बिषयमा सबैको एक मत छ तर कहाँ कहाँ र कति संख्यामा राख्ने भन्ने बिषयमा निक्र्यौलमा पुगिसकेको छैन । भेटनरी डाक्टर आठौं तहमा लिने वा नलिने भन्ने बिषय र कर्मचारीको अवकाशको उमेर हद ६० बर्ष पुर्याउने तर एकै पटक ६० राख्ने कि ऐन पारित भएको बर्ष ५८,अर्काे बर्ष ५९ र तेश्रो बर्षमा ६० पुर्याउने भन्ने बिषयमा पनि उपसमिति निष्कर्षमा पुगिनसकेको उपसमतिका एक सदस्यले कर्मचारी प्रेसलाई जनाएका छन् ।
बिज्ञापन
अहिले प्रतिनिधि सभामा नारा जुलुसका कारण सदन स्थगित हुन पुगेको छ । सदन स्थगित भइरहे उपसमितिका सदस्यहरु आज पनि बैठकमा बस्नेछन् । उसो त अबको केही दिन पछि नै संघीय संसदको हिँउदे अधिवेशन अन्त्य गर्ने तयारी भइरहेको संघीय संसद सचिवालय स्रोतले जनाएको छ । यसअघि चालु अधिवेशनबाट पारित गर्ने भनिएका निजामतीलगायत विधेयक कम्तीमा अर्को हिउँदे अधिवेशनसम्म धकेलिने स्थिति बनेको छ ।
अबको महिना दिनभित्रैमा बजेट अधिवेशन डाक्नु पर्ने अवस्था र अर्काेतिर सभामुख देवराज घिमिरे अन्तरव्यवस्थापिका संघ (आईपियु) को सम्मेलनमा भाग लिन विदेश जाने कार्यक्रम रहेका कारण सो अगाडि नै संसदको चालु अधिवेशन अन्त्य हुन सक्ने संसद सचिवालय स्रोतले जनाएको छ । सभामुखसहित संसदका केही पदाधिकारी आइपियुको १५० औं सम्मेलनमा भाग लिन चैत २२ गते उज्बेकिस्तान जाने कार्यक्रम छ । सम्मेलन राजधानी तासकन्तमा चैत २३ देखि २७ गतेसम्म हुँदै छ ।
सभामुख लामो समय मुलुक बाहिर रहनुपर्ने भएकाले संघीय संसदको माघ १८ गतेदेखि चालु हिउँदे अधिवेशन अन्त्य गर्नेतर्फ सरकारले आवश्यक तयारी थालेको बताइन्छ ।
संसदको दुवै सदनको चालू अधिवेशन अन्त्य गर्न राष्ट्रपतिसमक्ष सिफारिस गर्नुपर्ने व्यवस्था छ । मन्त्रिपरिषदको सिफारिसमा राष्ट्रपतिले संसदको अधिवेशन बोलाउने र अन्त्य गर्ने व्यवस्था छ।
