गृह मन्त्रालयले १३ जना कर्मचारीहरुको सरुवा तथा पदस्थापन गरेको छ । मन्त्रालयले ११ सहसचिवस्तरका र एक जना उपसचिवस्तरका कर्मचारीहरुको सरुवा गरेको हो ।मन्त्रालयले सात जना सहसचिवलाई पदस्थापन र बाँकी ६ जनाको सरुवा गर्दा उपसचिवस्तरका एक कर्मचारी मन्त्रालयमा फिर्ता भएका छन् ।
बिज्ञापन
सूची अनुसार,हालैमात्र पदस्थापन भएका दिलकुमार तमाङलाई जिल्ला प्रशासन कार्यालय कपिलवस्तुमा पदस्थापन गरिएको छ । यस्तै,जगदिश्वर उपाध्यायलाई जिल्ला प्रशासन कार्यालय सुर्खेत,भविश्वर पाण्डेलाई जिल्ला प्रशासन कार्यालय नवलपरासी,बर्दघाट सुस्ता पूर्व पदस्थान गरेको छ ।
बिज्ञापन
गृहले कुमान सिंह गुरुङलाई जिल्ला प्रशासन कार्यालय बाग्लुङमा खटाउँदा प्रेम प्रसाद लुँइटेललाई जिल्ला प्रशासन कार्यालय उदयपुर,आनन्द सारुलाई अछाम जिल्लाको सिडियोको जिम्मेवारी दिएर पठाएको छ ।
यस्तै गृहले कपिलवस्तुको प्रमुख जिल्ला अधिकारी विश्वप्रकाश अर्याल,सुर्खेतबाट शंकरहरि आचार्य,सुस्तापूर्वबाट अरुण पोखरेल, बाग्लुङबाट नेत्र प्रसाद सुवेदी,केदारनाथ शर्मा पर्वतबाट गृहमा फिर्ता ल्याइएको छ ।
यस्तै,उदयपुरबाट हरिप्रसाद घिमिरेलाई पर्वतमा सरुवा गरिएको गृहले जनाएको छ ।
यस्तै उपसचिव तहका प्रमुख जिल्ला अधिकारी रहेका शिव लम्साललाई अछामबाट गृहमा फिर्ता ल्याएको छ ।
