बिज्ञापन

बिज्ञापन

गत सातादेखि विद्येयकमा दफावार छलफल सुरु भएको हो । अर्थ समितिले भन्सार विधेयक, बैंक तथा वित्तीय संस्थासम्बन्धी विधेयक र धितो पत्रसम्बन्धी विधेयक चैत मसान्तभित्रै सक्दै प्रतिनिधि सभामा पठाउने तयारी गरिरहेको छ।
विद्येयकको दफा १ देखि ३० दफासम्म सहमति भइसकेको छ तर भन्सार विधेयकमा प्रस्तावनामा सहमति जुट्न सकेको छैन । प्रस्तावित विधेयकको प्रस्तावनामा देहायको व्यवस्था राखिएको छ, ‘भन्सार प्रक्रिया व्यवस्थित, पारदर्शी तथा उत्तरदायी बनाइ अन्तर्राष्ट्रिय व्यापारलाई सहज तथा सुरक्षित बनाउन र महसुल संकलनमा दक्षता तथा प्रभावकारिता अभिवृद्धि गर्न भन्सार सम्बन्धी कानुन संशोधन तथा एकीकरण गर्न वाञ्छनीय भएकाले । यही विद्येयकको प्रस्तावनामा सहमति जुट्न सकेको छैन ।

समिति सभापति सन्तोष चालिसकेका अनुसार,समिति दफा १ देखि ३ सम्म जस्ताको तस्तै पास गरेको छ भने दफा ४ भाषा मिलाउने गरी पारित गरेको छ । त्यस्तै विधेयकको दफा ५ देखि १६ सम्म हु–बहु पास गरेको छ । यस्तै विधेयकमा रहेको पछिल्लो ९ ऐन थप्नेगरी परिच्छेद ३ का दफा १७ देखि २४ सम्म महसुल ऐनमा समेटिएकाले भन्सार विधेयकबाट हटाएको छ । समितिले अन्य दफा २५, २६, २७ र २८ अर्थ मन्त्रालयको सुझावसहित पारित गरेको छ । त्यस्तै दफा २९ र ३० मा पनि सर्वसम्मतिले पारित गरेको छ ।