भन्सारका कर्मचारीको पहिचानका लागि राज्यले अब छुट्टै पोशाकको ब्यवस्था गर्ने भएको छ । अन्तर्राष्ट्रिय प्रचलन अनुसार नेपाली भन्सारका कर्मचारीका लागि त्यस्तो ब्यवस्था गर्न लागिएको हो ।
बिज्ञापन
प्रतिनिधि सभा अन्तर्गत अर्थ समितिमा भन्सार विधेयकमाथिको दफावार छलफलका यस्तो व्यवस्था गर्न लागिएको हो । अर्थसमितिमा मंगलबारदेखि दफावार छलफल भइरहेको भन्सार विधेयकमा भन्सारका कर्मचारीहरूको छुट्टै पोसाकको व्यवस्था गर्ने सहमति भएको छ ।
बिज्ञापन
भन्सार विधेयकको दफा १६ मा भन्सारका कर्मचारीको पोसाक र चिह्न तोक्न सक्ने व्यवस्था गरेको छ ।
अब भन्सारका कर्मचारीको लागि छुट्टै पोसाकको व्यवस्था हुने भएको हो । भन्सारका कर्मचारीको पहिचानका लागि राज्यले छुट्टै पोसाकको व्यवस्था गर्ने गरी कानुनमा व्यवस्था गरेको हो ।
अन्तर्राष्ट्रिय प्रचलनअनुसार नेपाली भन्सारका कर्मचारीका लागि त्यस्तो व्यवस्था गर्न आवश्यक रहेको सांसदहरूको समेत मागअनुसार भन्सार विधेयकमा सहमति जुटाइएको छ ।
बिज्ञापन
यस अघि पनि भन्सारका कर्मचारीहरुका लागि राज्यले गरेको नयाँ पोशाकको ब्यवस्था गर्ने तयारी थियो । त्यस समयमा कालो जुत्ता एवम् भन्सारको लोगोसहितको सुट, टाई र क्याप हुनेछ । सुट गाढा खरानी, सर्ट घ्यू रंग र टाइ सेता धर्कासहित निलो रंगको हुने व्यवस्था अगाडि बढाइएकोमा पछि अलपत्र परेको थियो ।
यता विधेयकको १ देखि ३० दफासम्म सहमति भएको छ । अब समितिले भन्सार विधेयकलाई चाँडै टुंगोमा पुर्याउने गरी अघि बढाएको छ ।
