सरकारले चार विभागका महानिर्देशकको सरुवा भएको छ । सोमबार बसेको क्याविनेट बैठकले सहकारी विभाग, वाणिज्य आपूर्ति तथा उपभोक्ता संरक्षण विभाग,खाद्य व्यवस्था तथा गुण नियन्त्रण विभागका साथैं पशु सेवा विभागका महानिर्देशक सरुवा गरेको हो ।
बिज्ञापन
जस अनुसार,सहकारी विभागका महानिर्देशक पीताम्बर घिमिरे र वाणिज्य आपूर्ति तथा उपभोक्ता संरक्षण विभागका महानिर्देशक राजन पौडेललाई पनि सोही मन्त्रालयको अतिरिक्त समूहमा तानिएका छन् ।
बिज्ञापन
उता पशु सेवा विभागका महानिर्देशक उमेश दाहाललाई मधेश प्रदेशको मुख्यमन्त्री तथा मन्त्रीपरिषद् कार्यालयका सचिवको रुपमा पठाइएको छ । यस्तै केही महिना अगाडिमात्र खाद्य प्रविधि तथा गुण नियन्त्रण विभागमा पुगेका संजीव कुमार कर्णलाई मुख्यमन्त्री तथा मन्त्रिपरिषद्को कार्यालय लुम्बिनीमा खटाइएको छ ।
सम्भवत यी निकायमा पठाउनका लागि अन्य सरकारी कार्यालयमा रहेका सहसचिवलाई सम्बन्धित निकायमा ल्याइएको छ । जस्तो उमेश ढुंगनालाई उद्योग पर्यटन तथा वन मन्त्रालय,रुपन्देहीबाट भूमि व्यवस्था सहकारी तथा गरिबी निवारण मन्त्रालयमा ल्याइएको छ ।
बिज्ञापन
यस्तै,नेपाल ट्रष्टबाट कुमार दाहाललाई उद्योग मन्त्रालयमा ल्याइएको छ । कृषिमा भने कुनै सहसचिवलाई ल्याइएको छैन । मन्त्रालयमा कार्यरत रहेका सहसचिवहरुलाई खाद्य प्रविधि तथा गुण नियन्त्रण र पुश सेवा विभागमा खटाउन खोजेको बुझिएको छ ।
