संघीय मामिला तथा सामान्य प्रशासन मन्त्रालयले २५ जना शाखा अधिकृतको सरुवा गरेको छ । सरुवाको सूची अनुसार परराष्ट्र मन्त्रालयमा कार्यरत चार जना अधिकृतलाई दूरदराज मानिएको स्थानीय तह हुम्लार दोलखातिर खटाइएको छ । स्थानीय तह खटाइएका अधिकृतहरुमा परराष्ट्र मन्त्रालयमा कार्यरत ताम्रराज काफ्ले आदनचुली हुम्ला,दिलिप खड्का सार्केगाड हुम्ला,गोविन्द आचार्य सिमिकोट हुम्ला र आविन्द अन्सारी विगु गाउँपालिका दोलखाको प्रमुख प्रशासकीय अधिकृतको रुपमा खटाइएको छ भने परराष्ट्रमै कार्यरत जमुना काफ्लेलाई जिल्ला समन्वय समिति रामेछापमा खटाइएको छ ।
यस्तै,गृहबाट सरोज अधिकारी लगानी वोर्डमा पुग्दा लोकसेवा आयोगबाट घाङगरी लामा गृह भित्रिएका छन । यस्तै जिल्ला समन्वय समिति धनुषाबाट सुवोध कुमार महतोलाई गृहमा भित्र्याइएको छ भने प्रकाश घिमिरे गृहबाट उद्योग पुगेका छन् । इन्दिरा पन्तलाई भाषा आयोगबाट गृहमा ल्याइएको छ ।
बिज्ञापन
