संघीय मामिला तथा सामान्य प्रशासन मन्त्रालयले छात्रवृत्तिमा वैदेशिक अध्ययनमा जान इच्छुक कर्मचारीसँग दरखास्त आह्वान गरेको छ । मन्त्रालयले थाइल्याण्डको विभिन्न विश्वविद्यालयबाट नेपाल सरकारका निजामती कर्मचारीहरुलाई प्रदान गर्दै आएका छात्रवृत्ति कार्यक्रममा सहभागी भइ अध्ययन गर्न योग्य र इच्छुक कर्मचारीहरुको नाम मनोनयन गरी पठाउन सबै निकायलाई परिपत्र गरेको हो । गत शुक्रवार जारी परिपत्रमा. एक बर्षदेखि दुई बर्षे कोर्स स्नातक तह अध्ययन गर्न चाहने इच्छुक र योग्य कर्मचारीहरुलाई मनोनयन गरेर पठाउन सूचना जारी गरेको हो । जस अनुसार, ५७ कर्मचारीलाई स्नातक तहका लागि मनोनयन गरिन लागेको हो ।
बिज्ञापन
मन्त्रालयले छात्रवृत्ति मनोनयनमा सम्बन्धित सेवा,समूह र श्रेणीभित्रका महिला,दलित,आदिवासी जनजाती,अपाङ्ग,पिछडिएको क्षेत्र,हालसम्म अवसर नपाएका र दुर्गममा सबैभन्दा बढी समय काम गरेका कर्मचारीलाई प्रथामिकता दिइ मनोनयन गरी मनोनयन भएका कर्मचारीहरुको नाम,थर,सम्पर्क नम्बर र इमेल ठेगना, कर्मचारी संकेत नम्बर समावेश गरी परराष्ट्र मन्त्रालयको दक्षिणपूर्व तथा एसिया प्रशान्त महाशाखा पठाउन भनिएको छ ।
बिज्ञापन
बिज्ञापन
