उर्जा, जलस्रोत तथा सिचाइँ मन्त्री दीपक खड्कामाथि मन्त्रालयमै एक सर्वसाधारणले हातपात गरेको खुलासा भएको छ ।गत शुक्रवार मन्त्रालयबाट निस्कदै गर्दा एक पुरुषले उनलाई आक्रमणको प्रयास गरेको बिषय हिजो सार्वजनिक भएको छ ।
बिज्ञापन
तर बिहीबार मन्त्री खड्काले कांग्रेस सभापति शेरबहादुर देउवाको निवास बुढानीलकण्ठमा आफूमाथि आक्रमण र दुर्व्यवहार भएको घटनाबारे जानकारी गराएका थिए ।मन्त्री खड्कालाई गोरखाको अजिरकोट गाउँपालिका-५, मुच्चोकका हरि पोखरेलले पुस २६ गते कार्यकक्षबाट बाहिरिँदै गर्दा हातपात गरेका थिए । त्यसपछि प्रहरीले पोखरेललाई नियन्त्रणमा लिएको थियो ।
बिज्ञापन
पोखरेललाई प्रहरीले पक्राउ गरेर सिंहदरबार वृत्तमा बुझाएको थियो । तर मन्त्री खड्काले मानसिक समस्या भएको व्यक्ति रहेको भन्दै प्रहरीलाई छोड्न भनेका थिए । सोही आदेश अनुसार शनिबार छोडिएको प्रहरी स्रोत बताउँछ । मन्त्री खड्काले नै प्रहरी संयन्त्रलाई घटनाबारे बाहिर हल्ला नगर्न आग्रह गरेको बताइएको छ ।
प्रहरीका अनुसार,खड्कामाथि हात गर्ने व्यक्ति हरि पोखरेल हुन ।
उनी २०७९ को निर्वाचनमा गोरखाबाट गण्डकी प्रदेशबाट प्रदेशसभा निर्वाचनमा स्वतन्त्र उम्मेदवार थिए । उनी नेपाल टेलिभिजनको कार्ड बोकेर सिंहदरबार प्रवेश गरेको खुलेको छ ।
बिज्ञापन
