परराष्ट्र मन्त्रालयका कायममुकायम सचिव अमृतबहादुर राई सचिवमा बढुवा भएका छन्। हिजो बसेको मन्त्रिपरिषद्को बैठकले उनलाई सचिवमा बढुवा गरेको हो । क्याविनेटबाट हिजो बढुवा भएका उनले आजै औपचारिक रुपमा सचिवको कार्यभार सम्हालेका छन् ।
बिज्ञापन
यस अघि सचिव पदमा कार्यरत सेवा लम्साललाई गत मंसिर सातमा प्रधानमन्त्री तथा मन्त्रिपरिषद्को कार्यालयमा सारेर उनलाई कामू सचिवको जिम्मेवारी दिइएकोमा हिजोको क्याविनेटले राईलाई सचिवमा बढुवा गरेको हो ।
बिज्ञापन
बेल्जियमका लागि प्रस्तावित राजदूत सेवा लम्सालको नाम संसदीय सुनुवाइ समितिले अनुमोदन भइसकेको छ । राई यस अघि मन्त्रालयका सहसचिव एवम प्रवक्ता समेतको जिम्मेवारी निर्वाह गरिरहेका थिए । संयुक्त राष्ट्रसंघका लागि नेपाली स्थायी प्रतिनिधिको कार्यकाल सकेर यही वर्ष फर्केका राईले चीन हेर्ने उत्तरपूर्वी डिभिजनको नेतृत्व सम्हाल्दै आएका उनी परराष्ट्रमा सबैभन्दा वरिष्ठ सहसचिव हुन् ।
मन्त्रालयमा सचिव हुने लाइनमा अमृतबहादुर राई, कृष्णप्रसाद ढकाल र निर्मलराज काफ्ले रहेका छन् । यी मध्य राई सबैभन्दा वरिष्ठ सहसचिव हुन् ।सरकारले उनैलाई कामू हुँदै सचिवमा बढुवा गरिएको हो ।
