भौतिक पूर्वाधार तथा यातायात मन्त्रालयले एक कर्मचारीलाई सेवाबाट बर्खास्त गरेको छ । मन्त्रालयले सडक विभागमातहत कार्यरत एक सब इञ्जिनियरलाई सेवाबाट बर्खास्त गरेको जनाएको छ । विभागले एक सूचना प्रकाशित गर्दै सब इञ्जिनियर पवन भट्टराई सेवाबाट बर्खास्त गरेको जनाएको हो ।
बिज्ञापन
बिज्ञापन
भट्टराई सडक विभाग मातहत रहेकोसडक डिभिजन हेटौँडामा कार्यरत सब इन्जिनियर पदमा कार्यरत थिए । नेपाल इन्जिनियरिङ सेवा सिभिल समूहको हाइवे उपसमूह राजपत्र अनकिंत प्रथम श्रेणी (प्राविधिक) तर्फका सब इन्जिनियर भट्टराई निजामती सेवा ऐन २०४९ को दफा ६१ (२) (क) को कसुरमा हटाइएको जनाइएको छ ।
सूचनामा भनिएको छ,इन्जिनियर पवन भट्टराई निजामती सेवा ऐन २०४९ को दफा ६१ (२) (क) को कसुर र सोही ऐनको दफा ५९ को खण्ड (ख) को देहाय (२) बमोजिम बर्खास्त गरिएको छ । उनलाई भविष्यमा सरकारी सेवाका निमित्त अयोग्य ठहरिने गरी सेवाबाट बर्खास्त गरिएको विभागले जनाएको छ ।
