संघीय मामिला तथा सामान्य प्रशासन मन्त्रालयले उपसचिव तहमा बढुवाका हुने सम्भाव्य उमेद्धारहरुको नामावली सार्वजनिक गरेको छ । मन्त्रालयले नेपाल कृषि सेवातर्फ बढुवा हुने सम्भावित १६ उमेद्धारहरुको नामावली आज सार्वजनिक गरेको हो ।
बिज्ञापन
कृषि सेवा, बागवानी (हर्टिकल्चर) समूहतर्फ ३ जनामाग भएकोमा पदपूर्तिका लागि दरखास्त दिने १०, मत्स्य (फिसरिज) समूहमा २ जनाले दरखास्त आवेदन पेश गरेकोमध्ये १ जना र लाइभस्टक पोल्ट्री एण्ड डेभलपमेण्ट समूहतर्फ १ जना पदपूर्ति हुनेमा आवेदन दिने ४ जनालाई बढुवाको सम्भावित सूचीमा राखेर नामावली सार्वजनिक गरेको छ ।
यी मध्येबाट बढुवा सिफारिस समितिले नेपाल कृषि सेवा पद्यनाथ आत्रेय,जोगेन्द्र कान्दु,प्रमिला बाग्ले बागवानीतर्फबाट,मस्त्य समूहबाट रमेश जैसवाल र डा नजुमा जोशी लाइभ स्टकबाट बढुवा सिफारिस भएका हुन । उनीहरु सबै ज्येष्ठता र कार्यसम्पादनको मूल्यांकनद्वारा हुने बढुवाका लागि सिफारिस भएका हुन ।
बिज्ञापन
यस्तै प्रशासन सेवातर्फबाट उपसचिव बढुवाका लागि सम्भाव्य २७५ उमेद्धारको नामावली सार्वजनिक भएको छ । जेष्ठता र कार्यसम्पादन मुल्यांकनको आधारमा हुने बढुवाका लागि नेपाल प्रशासन सेवा,सामान्य प्रशासन,लेखा र राजश्व समूहतर्फका सम्भाव्य उमेद्धारको सूची मन्त्रालयले सार्वजनिक गरेको हो । नेपाल प्रशासन सेवा सामान्य प्रशासन समूहतर्फका १६९ जना उमेद्धारमध्ये ३९ जना शाखा अधिकृतहरुलाई उपसचिव तहमा बढुवा सिफारिस गरेको छ ।यस्तै नेपाल प्रशासन सेवा,लेखा समूहतर्फका ६७ जना उमेद्धारहरुको बीचबाट ११ जना र नेपाल प्रशासन सेवा राजश्व समूहका ३९ जना अधिकृतहरुको माझबाट ९ जना गरी कूल ५७ जना अधिकृतहरु उपसचिव तहमा बढुवा सिफारिस भइसकेका छन्।
