विद्यार्थीहरूले रौतहटको गरुडा नगरपालिका कार्यालयमा तोडफोड गरेका छन्।शिक्षक सरुवाको विषय लिएर नमुना माध्यमिक विद्यालय गरुडाका विद्यार्थीहरूले नगरपालिका भवन र मेयर चढ्ने गाडीसँगै १ दर्जन बढी गाडीमा तोडफोड गरेका हुन्।
बिज्ञापन
कार्यालय अगाडि पार्किंग गरिराखेको मेयर कन्थमनी प्रसाद जयसवाल चढ्ने ना १ झ १६७३ नम्बरको सरकारी गाडी र एकजना सेवाग्राहीको भारतीय नम्बर प्लेटको स्कारपियो गाडीमा क्षति पुगेको छ। सरकारी गाडीको सबै सिसा फुटेको छ भने गाडीको अन्य भागमा समेत क्षति पुगेको छ।त्यस्तै नगरपालिकामा काम गराउन आएका सेवाग्राहीहरूको १ दर्जन बढी मोटरसाइकलमा विद्यार्थीहरूले तोडफोड गरेका छन् ।
बिज्ञापन
नमुना माध्यमिक विद्यालयका नेपाली शिक्षक शिवशंकर झालाई मावि झाँझपुलमा सरुवा गरेको भन्दै आक्रोशित विद्यार्थीहरूले शिक्षक झाको सरुवा रोक्नुपर्ने माग राख्दै बिहीबार नगरपालिका अगाडि विरोध प्रदर्शन गरेका थिए।
बिज्ञापन
