आठ उपसचिवहरू सहसचिव बढुवाका लागि सिफारिस गरिएको छ । बढुवा सिफारिस समितिको हिजो बसेको बैठकले नेपाल परराष्ट्र सेवाका ५,लेखापरीक्षण समूहका एक र नेपाल इन्जिनियरिङ सेवा सिभिल इन्जिनियरिङ सेवा समूहका २ गरी आठ उपसचिवलाई सहसचिवमा बढुवाका लागि सिफारिस गरेको हो ।
बिज्ञापन
जस अन्र्तगत परराष्ट्र सेवातर्फ हरि प्रसाद ओडारी र प्रकाश अधिकारी ८६ दशमलव ५३ अंकसहित बढुवाका लागि सिफारिस भएका छन् भने दधिराम भण्डारीले ८६ दशमलव १५, डमरुवल्लभ पौडेल ८५ दशमलव ८२ र पारस पण्डित ८२ दशमलव ८१ अंकसहित बढूवाका लागि सिफारिस भएका छन् ।
बिज्ञापन
यस्तै, नेपाल लेखापरीक्षण सेवातर्फ टिका राम श्रेष्ठले ९८ दशमलव १३ अंक प्राप्त गर्दा नेपाल इन्जिनियरिङ सेवा तर्फ नारायण प्रसाद श्रेष्ठ ९९ दशमलव १४ र शम्भु मिश्र ९७ दशमलव १२ अंक प्राप्त गरेका छन् । समितिले कार्यक्षमता मुल्यांकनका आधारमा उनीहरुलाई बढुवा सिफारिस गरेको हो ।
