सधै छानेर राम्रा मन्त्रालयमा जाने कर्मचारीको परिचय बनाएका कृष्णहरि पुष्कर अहिले प्रधानमन्त्री तथा मन्त्रिपरिषद्को कार्यालयमा थन्काइएका छन् । सचिव बढुवा भए लगतै अर्थ मन्त्रालयको जिम्मेवारी पाएका उनको कार्यसम्पादन प्रभावकारी नभएको कर्मचारीहरु नै बताउँछन् ।
बिज्ञापन
काँग्रेसको सरकार बने पछि गृह मन्त्रालयमा जान जोडबल गरे,सम्भव भएन । गोकर्णमणि दुवाडीले त्यहाँ बाजी मारे । अहिले उनलाई प्रधानमन्त्री कार्यालयको सुशासन र सुरक्षा हेर्ने जिम्मेवारी दिइएको छ । पुष्कर त्यहाँबाट पर्यटन मन्त्रालयतिर जान जोडबल गरिरहेका छन् । पत्नी आभा कर्ण र परराष्ट्रमन्त्री आरजु राणा एकै भेगका हुन । सोही कारण मात्र होइन दक्षिण दुतावाससँग समेत बाक्लो आउजाउ भएका कृष्णहरि पुष्कर पर्यटन सचिव खान जोडबल गरिरहेका छन् । उनले बूढानिकलण्ठ र दुतावास दुबै रिझाएको भए पनि काम नगर्ने,मुखमात्र चलाउने स्वभावका कर्मचारीका रुपमा उनी चित्रित छन् । कर्णलाई निजामतीभित्र तरमारा कर्मचारीको रुपमा चिन्ने गरिन्छ ।
कारण आरक्षण् कोटामा पटक पटक लाभ लिएका,आफू र पत्नी समेत यही कोटाबाट उक्लिएका हुन । कृष्णहरि पुष्कर र उनको पत्नी आभा कर्णले पटक–पटक मधेशी र जनजातिको कोटामा टेकेर निजामती सेवाका उपल्लो पदमा पुग्न सफल भएका जोडी हुन । मधेशी कोटाबाट उपसचिव र सहसचिव बनेका पुष्कर कर्ण आफूलाई कर्ण होइन पुष्करका रूपमा परिचित गराउँदै आएका छन् ।
बिज्ञापन
लोकसेवा आयोगको विवरण हेर्दा पुष्कर मधेशी कोटाबाट प्रशासन सेवा, सामान्य प्रशासन तर्फको उपसचिव बनेका हुन अनि ०६८ फागुनमा मधेशी कोटाबाटै सहसचिव । यसरी मधेसी कोटाबाट उपसचिव, सहसचिव हुँदै सचिव बनेका पुष्कर सचिव भएपछि मधेश प्रदेश टेकेनन् । जुन प्रदेशबाट निजामती वृत्तमा खुट्किला चढ्दै गए त्यही प्रदेशमा गएर सेवा गर्न वा योगदान दिन चाहेनन् ।
यस्तै पुष्कर पत्नी आभा सहसचिव हुन,उनले पटक पटक आदिवासी जनजाती कोटाबाटै निजामतीमा भ¥याङ्ग चढ्दै अहिले सहसचिवका रुपमा सिंहदरबारभित्रै कार्यरत छिन् । आभा श्रेष्ठ कर्ण ०६७ सालमा महिला कोटाबाट उपसचिव भइन अनि पाँच बर्ष नबित्दै ०७१ फागुनमा मधेशी कोटाबाट सहसचिव । आरक्षण कोटा एक जना कर्मचारीले जागिरे अवधिभर कति चोटी लिन पाउँछ ? परिवारका कति सदस्य आरक्षण कोटा लिन पाउँछन् ? यही व्यवस्था अस्पष्ट हुँदा पुष्करका जोडी पटक पटक आरक्षण कोटामा लाभ उठाउँदै आएका कर्मचारी हुन ।
बिज्ञापन
पुष्करले पर्यटन मन्त्रालयतिर जानका लागि जोड बल गरिरहेको भए पनि पर्यटन मन्त्री बद्री पाण्डे उनलाई त्यहाँ ल्याउन उति उत्साहित छैनन् । यस्का अलाव पछिल्लो समयमा मन्त्री राजकुमार गुप्ता र संघीय मामिला तथा सामान्य प्रशासन मन्त्रालयका सचिव भरतमणि सुवेदीको सम्बन्धमा पनि मीठास छैन । कर्मचारी सरुवामा मन्त्रीको सचिवालय हावी हुँदा सचिव मन्त्रीको चेपुवामा छन् ।
यस्तै खेलकुद मन्त्री तेजुलाल चौधरी सचिव सुमन अर्यालले काम गर्न नसकेको भन्दै उनलाई हटाउनका लागि प्रधानमन्त्रीलाई गुहारिएका छन् ।
