जेष्ठता र कार्यक्षमता मुल्याकनका आधारमा ४४ कर्मचारीहरु बढुवा सिफारिस भएका छन् । समितिका बैठकले विभिन्न सेवा समूहका गरी चालु आर्थिक बर्षमा ४४ उपसचिव तहका कर्मचारीलाई सहसचिवमा बढसवा सिफारिस गरेको हो ।
बिज्ञापन
थप चार जना उपसचिवहरूलाई सहसचिवमा बढुवाका लागि सिफारिस भएका छन् । नेपाल कृषि सेवाका ३ र वन सेवाका एक गरी चार उपसचिव सहसचिवमा बढुवाका लागि सिफारिस भएका हुन् ।
बिज्ञापन
बढुवा सिफारिस समितिको सोमबार बसेको बैठकले उपसचिवद्धय केशव देवकोटा र ललन कुमार सिंहलाई बढुवा सिफारिस गरेको थियो । उनीहरु दुबै कृषि सेवाका हुन ।
बिज्ञापन
यस्तै मंगलबार बसेको बढुवा सिफारिस समितिको बैठकले नेपाल कृषि सेवा भेटनरी समूहका डा संजय कुमार यादव र नेपाल वन सेवा जनरल फरेष्टी समूहका अजीत कुमार कर्ण बढुवाका लागि सिफारिस भएका हुन । उनीहरु सबै ज्येष्ठता र कार्यसम्पादन मूल्यांकनबाट बढुवा सिफारिस भएका हुन । यस अघि कृषि सेवा समूहका पद्यम प्रसाद अधिकारी,नेपाल कृषि सेवा लाइफस्टक पोल्ट्री एण्ड डेरी डेभलपमेन्ट समूहबाट पशुपति ढुंङ्गना र शंकर साहलाई बढुवाका लागि सिफारिस भएका छन् ।
यस्तै इन्जिनियरिङ सेवाका २ जना र कृषि सेवातर्फका एक उपसचिव सहसचिवमा बढुवाका लागि सिफारिस भएका छन्। जसमा नेपाल इन्जिनियरिङ सेवा,जियोलोजी इन्जिनियरिङ समूह,जनरल जियोलोजी उपसमूहबाट दिनेशकुमार नापित बढुवाका लागि सिफारिस भएका छन् । यस्तै नेपाल इन्जिनियरिङ सेवा सर्भे समूहबाट नारायण प्रसाद रेग्मी बढुवाका लागि सिफारिस हुँदा नेपाल कृषि सेवा,कृषि प्रसारतर्फका हिक्मत कुमार श्रेष्ठ सहसचिवमा बढुवा सिफारिस भएका छन् ।
यस्तै इन्जिनियरिङ सेवाका योगेन्द्र मिश्र, नेपाल इन्जिनियरिङ सेवा,इलेक्ट्रिकल इन्जिनियरिङ समूहका नूतन प्रकाश शर्मा बढुवाका लागि सिफारिस भएका छन् भने आर्थिक योजना तथा तथ्यांक सेवाबाट ढुण्डीराज लामिछाने र इञ्जिनियरिङ सेवातर्फबाट राजकुमार गोइत र पुष्कर कुमार पोखरेल,नेपाल इञ्जिनियरिङ सेवा, सिभिल इञ्जिनियरिङ समूह,हाइवे उपसमूहतर्फबाट रविन्द्रलाल दास,विल्डिङ एण्ड आर्किटेक्ट उपसमूहबाट प्रकाश अर्याल र रमेश थपलियालाई बढुवाका लागि सिफारिस भइसकेका छन् । यस्तै प्रशासन समूहबाट २१,परराष्ट्र सेवाका ५ उपसचिव सहसचिवमा बढुवाका लागि सिफारिस भइसकेका छन् ।
