नेपाली कांग्रेसका सांसद जीवन परियारले मुख्य सचिव र सचिवको कार्यकाल घटाउन प्रस्ताव गरेका छन् । प्रतिनिधि सभा अन्तर्गतको राज्य व्यवस्था तथा सुशासन समितीको बैठकमा चलिरहेको संघीय निजामती विधेयकमा उनले मुख्य सचिव र सचिवको कार्यकाल घटाउन प्रस्ताव गरेका हुन ।
बिज्ञापन
हाल मुख्य सचिवको कार्याकाल तीन वर्ष र सचिवको कार्यकाल पाँच वर्ष कायम गरिएको छ । परियारले मुख्यसचिवको कार्यकाल १ बर्ष र सचिवको कार्यकाल २ बर्ष घटाएर मुख्यसचिवको दुई र सचिवको कार्यकाल ३ बर्ष गर्न प्रस्ताव गरिएको हो ।
बिज्ञापन
मुख्य सचिवको कार्यकाल २ वर्ष र सचिवको ३ वर्ष कायम गराऊ अहिले जिम्मेवारीमा रहेका केहीलाई कस्तो असर गर्छ भन्ने नहेरी भविष्य हेरेर कानुन बनाउनेतर्फ ध्यान दिनुपर्ने परियारको भनाइ रहेको छ ।
‘अहिलेको कानुनअनुसार सचिवको कार्याकाल पाँच वर्षसम्म कायम राख्ने हो भने हालै सहसचिवमा प्रवेश गरेका कर्मचारीलाई सचिव पदमा पुग्न कम्तीमा १४ वर्ष लाग्छ । दुई तीन वर्षअघि सहसचिव भएका कर्मचारीलाई सचिवमा बढुवा हुन कम्तीमा १० वर्ष लाग्ने हुँदा मुख्य सचिव र सचिवको कार्यकाल घटाउँदा कर्मचारी क्षेत्रमा सकारात्मक परिवर्तन ल्याउन र कर्मचारीहरूको वृत्ति विकासका लागि पनि सचिव र मुख्यसचिवको कार्याकाल छोट्ट्याउनु पर्ने कर्मचारीहरु बताउँछन् ।
बिज्ञापन
कर्मचारीहरूको वृत्ति विकासका लागि पनि कार्याकाल छोट्ट्याउन अति आवश्यक भएको प्रशासकहरु बताउँछन् । मुख्यसचिव र सचिवको कार्यकाल छोट्ट्याउँदा सहसचिवहरू सचिवमा र सचिवहरू मुख्यसचिवमा बढुवा हुने सम्भावना अहिलको भन्दा धेरै बढी हुन्छ ।
