सुनसरीको धरान उपमहानगरपालिकाका मेयर हर्कराज राईले संघीय मन्त्रालयलाई प्रमुख प्रशासकीय अधिकृत माग्दै ठाडो भाषामा पत्र लेखेका छन् । उनले आज संघीय मामिला तथा सामान्य प्रशासन मन्त्रालयलाई सम्बोधन गर्दै ठाडै भाषामा प्रमुख प्रशासकीय अधिकृत पठाइदिन अनुरोध गरेका छन् । ३४६२ चलानी नम्बर रहेको उक्त पत्रमा लेखेका छन्,धराने जनता पनि नागरिक नै हुन । धराने जनताको काम गर्ने प्रमुख प्रशासकीय अधिकृत तुरुन्त पठाइदिनुहोला ।
बिज्ञापन
मेयर राईकै हस्ताक्षर रहेको उक्त पत्रमा लेखिएको छ, धरान उपमहानगरपालिकामा प्रमुख प्रशासकीय अधिकृत कहिले पठाउने हो ? यहाँ जनताको काम अड्किएर गाह्रो भइसक्यो । लौ न तुरुन्तै पठाइदिन पर्यो । धराने जनता पनि नेपाली नागरिक नै हुन् ।’
बिज्ञापन
संघीय सरकारले ११ वटा उपमहानगरपालिकामध्ये इटहरीबाहेक अन्य पालिकामा कन्फर्म प्रमुख प्रशासकीय अधिकृत खटाउन सकेको छैन । उक्त पालिकाबाहेक अन्य १० उपमहानगर निमित्तको भरमा चलेका छन्।
बिज्ञापन
