नेपाल सरकारका मुख्यसचिव एकनारायण अर्यालले कर्मचारीतन्त्र खेलौनाजस्तो भएको दुखेसो पोखेका छन् । संघीय निजामती सेवा विद्येयकमाथि दफादार छलफलमा भाग लिँदै उनले यस्तो बताएका हुन ।
कर्मचारी तन्त्र खेलौनाजस्तो भएको बताउँदै मुख्यसचिव अर्यालले जनताले अपेक्षा गरे अनुसार कर्मचारीतन्त्र बनाउन यो विधेयक चाँडो टुङ्गो लाग्नु पर्ने बताए । मुलुक राजनीतिक संघीयतामा गए पनि प्रशासनिक संघीयतामा जान नसकेको बताँउदै उनले संघीय निजामती सेवा ऐन आउन नसक्दा र कानुन अभावका कारण कर्मचारी परिचालनमा समस्या भएको कारण सकेसम्म छिटो उक्त विद्येयक पास गर्नुपर्ने बताए ।

बिज्ञापन

संसदमा आएको ९ महिनापछि निजामती विधेयक माथि आइतबारदेखि दफावार छलफल प्रारम्भ भएको छ । सङ्‌घीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक’ २१ फागुन २०८० मा प्रतिनिधिसभामा दर्ता भएको थियो । प्रतिनिधिसभा अन्तर्गतको राज्य व्यवस्था तथा सुशासन समितिले संघीय निजामती विधेयकमाथि आइतबारको दफावार छलफलमा सहभागी भएका मुख्यसचिव अर्यालले कर्मचारीतन्त्र खेलौनाजस्तो भएको पीडा पोखेका हुन । कानुनको अभावमा स्थायी संयन्त्र भनिए पनि यो अस्थायी जस्तै भएको, जनता र सरकारबिच ग्याप सिर्जना भएको बताए । नागरिकले अपेक्षा गरेअनुसार कर्मचारीतन्त्र बनाउन निजामती सेवा विधेयक तत्काल टुंगो लगाउनुपर्ने मुख्यसचिव अर्यालको सुझाव छ ।