वाइडबडी खरिदको भ्रष्टाचार मुद्दामा दुई सचिव,एक सहसचिव भ्रष्टचारी ठहर भएका छन् । यो मुद्धामा विशेष अदालतले पूर्वमन्त्रीलाई सफाइ दिएको छ । यस्तै विशेषले यो प्रकरणमा नेपाल वायुसेवा निगमका तत्कालीन कार्यकारी अध्यक्ष सुगतरत्न कंसाकार दोषी ठहर गरेको छ । अख्तियारले यो मुद्धामा ३२ जनालाई प्रतिवादी बनाएको थियो ।नेपाल वायु सेवा निगमका तत्कालीन महाप्रबन्धक सुगतरत्न कंसाकार समेतको मिलेमतोमा ए३३०-२०० जहाज खरिद गर्दा यस प्रकरणमा मुछिएका ११ जना भ्रष्टाचारको अभियोगमा दोषी ठहर भएका हुन्।
बिज्ञापन
विशेष अदालतका अध्यक्ष न्यायाधीश टेकनारायण कुँवर, सदस्य न्यायाधीशहरू तेज नारायण सिंह राई र रितेन्द्र थापाको इजलासले नेपाल वायुसेवा निगमले बजार विस्तारका लागि भन्दै दुइटा वाइडबडी विमान खरिद गर्दा भएको भ्रष्टाचार मुद्धामा शंकरप्रसाद अधिकारी, शिशिर कुमार ढुङ्गाना र बुद्धिसागर लामिछानेलाई पनि दोषी ठहर गरेको हो । अधिकारी र ढुगना सचिवबाट अवकाश पाएका कर्मचारी हुन भने लामिछाने यस अघि नै भ्रष्टाचार मुद्धा चलेर निलम्बनमा परेका थिए ।
बिज्ञापन
सुगतरत्नमाथि दुई वर्ष नौ महिना कैद सजाय सुनाइएको छ भने अधिकारी, ढुङ्गाना र लामिछानेमाथि एक वर्ष छ महिना कैद सजाय भएको छ । दोषी ठहर भएका अधिकारी संस्कृति, पर्यटन तथा नागरिक उड्डयन मन्त्रालयका तत्कालीन सचिव थिए। विभागीय मन्त्रालयको सचिव भएकैले अधिकारीमाथि थप तीन महिना कैद सजाय सुनाइएको छ ।
अदालतले कुल बिगो १ अर्ब ४७ करोड १० लाख ८५ हजार रुपैयाँको दामासाहीका हिसाबले १२ करोड २५ लाख ९० हजार रुपैयाँ जरिवाना कायम गर्नुका साथै बिगो असुल उपर हुने फैसला समेत गरेको छ ।
अन्य प्रतिवादीहरुमा टेकनाथ आचार्य, निमानुरु शेर्पा, मुक्तिराम पाण्डे, जीवनप्रकाश सिटौला, अच्युतराज पहाडी,कर्णबहादुर थापा, सुवास रिजाल, प्रकाशकुमार कर्माचार्य, जनकराज कालाखेती, रामहरि शर्मा सेढाईं, रविन्द्रकुमार शेरचन, रविन्द्र श्रेष्ठ, उपेन्द्र पौडेल र श्रवण रिजाल,पारस पौडेल, उमेश पौडेल, बृहतमान तुलाधर लगायतले क्लिन चिट पाएका हुन ।
अन्य दोषीहरू विदेशी छन्। तीमध्ये एकजना पूर्वनेपाली, हाल बेलायती नागरिक दीपक शर्मा, एएआर कम्पनीको अध्यक्षलाई १ वर्ष ६ महिना कैद सजाय सनाइएको छ भने ओलिग क्यालिस्त्रु जर्मन एभिएसन क्यापिटल, वित्त निर्देशकलाई १ वर्ष ६ महिना कैद तोकेको छ । यस्तै जोन होल्मेस, एएआर कम्पनीको सीइओ,अना टोपा जर्मन एभिएसन क्यापिटलको प्रवन्ध निर्देशक,पाउलो मोरपुरी,हाई फ्लाई एक्सको मुख्य व्यक्ति र गेराल्ड थ्रोन्टन र क्रिश्चियन न्ह्युलेनका हवाई फ्लाई एक्सका प्रतिनिधिहरूलाई १ वर्ष ६ महिना कैद सजाय निर्धारण गरेको छ,विशेषले ।
बिज्ञापन
