आफैं आयोजक रहेको कार्यक्रममा मन्त्री र सचिव नै अनुपस्थित । त्यसमाथि उक्त कार्यक्रममा निम्ताइएका अतिथि थिए संघीय सरकारका मन्त्री तर मन्त्री उपस्थित रहेको उक्त कार्यक्रम प्रदेशका मन्त्री र सचिवले बहिष्कार गरेपछि मन्त्रीले खिन्नता प्रकट गरेका छन् मञ्चबाटै ।
बिज्ञापन
संघीय मन्त्रीको कार्यक्रम प्रदेश मन्त्री र सचिवले बहिष्कार गरेसँगै मन्त्रीले मञ्चबाटै तीतो पोखेका हुन । संघीय खानेपानी मन्त्रालयले प्रदेशमा आयोजना गरेको कार्यक्रम प्रदेशका मन्त्री र सचिवले बहिष्कार गरेका हुन ।
कर्णाली प्रदेशको राजधानी वीरेन्द्रनगरमा आयोजना गरिएको थियो कार्यक्रम । कार्यक्रम आयोजक थियो,संघीय सरकार अन्तर्गतको खानेपानी तथा ढल व्यवस्थापन आयोजनाले । र आयोजकमध्येकै थियो,प्रदेश सरकारको जलस्रोत तथा ऊर्जा विकास मन्त्रालय । आफैं आयोजक रहेको कार्यक्रम मन्त्री र सचिव नै अनुपस्थित रहेसँगै कार्यक्रम नै खल्लो बन्न पुगेको आयोजकहरुले बताएका छन् ।
बिज्ञापन
‘ग्रामीण खानेपानी सेवा सहायता केन्द्र नामक कार्यक्रमका सहआयोजकहरु थिए ग्रामीण खानेपानी सेवा सहायता केन्द्र । सो कार्यक्रममा प्रदेश सरकारका जलस्रोत तथा ऊर्जामन्त्री विजया बुढा र उक्त मन्त्रालयका सचिव इन्द्रदेव भट्ट नै उपस्थित नभएका हुन । भट्ट उक्त मन्त्रालयको सचिवको जिम्मेवारीमा छन् गत कार्तिक २५ गतेदेखि ।
कार्यक्रममा प्रदेशको मन्त्री र सचिव नै उपस्थित नभएपछि संघीय खानेपानीमन्त्री यादवले मञ्चमै गुनासो गरेका थिए ।यद्यपि मन्त्रीको स्वास्थ्यमा समस्या आएका कारण अनुपस्थित भएको जनाइएको छ ।
बिज्ञापन
