सहरी विकास सचिव मणिराम गेलाल अनिवार्य अवकाशमा गएका छन् । निजामती सेवामा २९ बर्ष ५ महिना बिताएर उनी आजबाट अनिवार्य अवकाशमा गएका हुन । चार बर्ष अघि सचिव बढूवा भएका बुधबारदेखि सरकारी सेवावधि पूरा गरी मन्त्रालयबाट बिदा भएका हुन ।
बिज्ञापन
सहरी सचिव मणिराम गेलालझैं अबको ७ महिनाभित्रमा थप १० जना सचिवहरु अनिवार्य अवकाशमा जाँदैछन् ।
बिज्ञापन
निजामती किताबखानाको विवरण अनुसार अबको २ महिना पछि सचिव दिनेश भट्टराई अनिवार्य अवकाशमा जाँदैछन् । २०२७ साल ९ महिना २२ गते जन्मिएका भट्टराईले निजामती सेवामा २०५३ साल पुस ९ मा प्रवेश गरेका हुन उनी माघ २९ गतेबाट अनिवार्य अवकाशमा जानेछन् ।
हाल निलम्बनमा रहेका तत्कालीन गृह सचिव टेकनारायण पाण्डे कारागारबाटै अवकाशमा जाने भएका छन् । उनी फागुन १२ गतेबाट अनिवार्य अवकाशमा जानेछन् ।
बिज्ञापन
यस्तै स्वास्थ्य तथा जनसंख्या मन्त्रालयमा रोशन पोखरेल पनि सोही अवधिमा अवकाश पाउँदैछन् । विकल पौडेल,सुनिल पौडेलको योजनामा साथ दिँदा उद्योग सचिव हुँदा अख्तियार लागेर निलम्बनमा परेका सचिव मधुकुमार मरासिनी पनि फागुनमै घर जानेको सूचीमा छन् । २०२३ साल फागुन १६ गते जन्मिएका मरासिनी ०४३ साल भदौं १८ मा निजामती सेवामा प्रवेश गरेका हुन । हाल राष्ट्रिय योजना आयोगका सचिवको भूमिकामा रहेका उनी फागुन १६ मा ५८ उमेर हद लागेर घर जानेछन् ।
यस्तै गणेश पाण्डे आगामी बर्ष वैशाख ३० गते,वामदेव अधिकारी,विनोद सिंह लगायतका सचिव पनि आगामी वैशाखमै अनिवार्य अवकाश जानेछन् । हाल भूमि मन्त्रालयमा रहेका सचिव अर्जुन पोखरेल आगामी वैशाख २ गते,कानुन सचिव उदयराज सापकोटा आगामी बर्ष जेठ २८ मा अनिवार्य अवकाशमा जाँदैछन् । यस्तै संसद सेवाका सचिव सुर्दशन खड्का आगामी बर्ष जेठ ३० मा अनिवार्य अवकाशमा जानेछन् ।
