इन्जिनियरिङ सेवाका सचिव मणिराम गेलाल आजबाट अनिवार्य अवकाशमा जाने भएसँगै एक सचिव पद रिक्त हुन पुगेको छ । ५८ बर्षे उमेर हद लागेर उनी घर फर्किन लागेका हुन ।
बिज्ञापन
गेलालले अवकाश पाएसँगै प्राविधिक (इन्जिनियरिङ)सेवातर्फको एक पद रिक्त हुनेछ । सो पदमा बढूवाका लागि रामप्रसाद घिमिरे,दिलनाथ मिश्र र मधुप्रसाद भेटवाल प्रतिष्प्रर्धा गर्दैछन् । बरियताक्रमका आधारमा दिलनाथ मिश्र शिक्षा विज्ञान तथा प्रविधि मन्त्रालयमा कार्यरत छन् । उनी लामो समय उद्योग मन्त्रालय मातहत बसेर काम गरेका कर्मचारी हुन । विश्ववावु पुडासैनी प्रदेश झरेपछि केही समय नापतौल तथा गुण नियन्त्रण कमाण्ड गरेका उनी त्यहाँबाट विज्ञान मन्त्रालयमा पुगेका हुन । अहिले पारमाणिक शाखा हेर्दै आएका छन् ।
बिज्ञापन
यस्तै रामप्रसाद घिमिरे भूगर्भ विभागको महानिर्देशकको कुर्सीमा छन् ।उनी लामो समय भूगर्भ विभागमै काम गरिरहेका कर्मचारी हुन भने भेटवाल पञ्चेश्वर जलविद्युत कम्पनीको सिइओको जिम्मेवारीमा रहेका कर्मचारी हुन ।
बिज्ञापन
