बिज्ञापन

बिज्ञापन

गत वैशाखमा शिक्षा सचिवबाट अवकाश पाएका उनलाई असार महिनामा संसद सचिवालयमा ल्याएर प्रतिनिधि सभाको सचिव नियुक्त गरिएको थियो । गत असार १८ गते सभामुख देवराज घिमिरेको सिफारिसमा अधिकारी प्रतिनिधि सभाको सचिवमा नियुक्त भएका थिए । सभामुख विदेशमा भएको बेला उनले राजीनामा दिएका हुन् ।

राजीनामाका कारण स्वास्थ्य समस्या देखाइए पनि ‘फ्रस्टेसनका कारण उनले राजीनामा दिएको संसद सचिवालय स्रोतले जनाएको छ । सचिव हुँदा संघीय मामिला तथा सामान्य प्रशासन मन्त्रालय, संस्कृति, पर्यटन तथा नागरिक उड्डयन मन्त्रालय र शिक्षा, विज्ञान तथा प्रविधि मन्त्रालयमा कार्यकारी भूमिका निर्वाह गरेका अधिकारी संसदको सचिवको खुम्चिएको भूमिकामा बस्न नचाहेर राजीनामा दिनुभएको हो ।

नेपाल सरकारको सचिव हुँदा विभिन्न मन्त्रालयमा मन्त्रीलाई समेत हल्लाउने हैसियत बनाएका सचिवलाई कतिपय अवस्थामा केही माननीय र तिनका स्वकीय सचिवले आत्थु आत्थु पारेको र संसद अधिवेशन नभएको बेला कालो चिया खाँदै अनलाइनमा समाचार र टेबुलमा पत्रिका पढ्नेबाहेक केही काम नभएको गुनासो सचिव अधिकारीले गर्दै आएको उनकै युनिटमा कार्यरत कर्मचारीहरुको भनाई छ ।

संसद सचिवालय स्रोतका अनुसार दशैंअघि दशैं खर्च पनि नलिने भन्दै राजीनामा दिन लागेका थिए । तर, थामथुम पारेर केही पर धकेलिए पनि हिजो राजीनामा दिएका थिए सो राजीनामा हिजै स्वीकृत भइसकेको छ ।