कर्मचारीमाथि एउटा आरोप लाग्ने गर्दछ,अवसर पाए कात्रोमा समेत कमिसन खान पछि पर्दैनन् ।
बिज्ञापन
त्यस्तै आरोपलाई पृष्टि गरेका छन्,एक नासुले । जिल्ला प्रशासन कार्यालय महोत्तरीका नासु अशोक कुमार यादवले किरिया खर्चमा समेत घुस लिएको पाइएको छ । यादवले किरिया खर्चको रकमबाट घुस लिएको अख्तियार दुरुपयोग अनुसन्धान आयोगले जनाएको छ ।
बिज्ञापन
नासु यादवले सवारी ज्यान कसुर मुद्दामा मृतकको आफन्तले पाउनु पर्ने किरिया खर्च तथा क्षतिपूर्ति बापतको रकममा समेत घुस लिएका हुन । सेवाग्राही उक्त खर्च लिन जाँदा सुव्वाले सेवाग्राहीसँग घुस माग गरेका हुन् । पीडित पक्षबाट २० हजार रुपैयाँ घुस लिइसकेको अवस्थामा उक्त रकमसहित यादवलाई शुक्रबार जिल्ला प्रशासन कार्यालय महोत्तरीबाट नियन्त्रणमा लिएको अख्तियारले जनाएको छ ।
अख्तियारले शुक्रवार महोत्तरी जिल्ला प्रशासन कार्यालयमा छापा मारेर केही महत्वपूर्ण कागजात जफत गरेको र यादवमाथि थप अनुसन्धान भइरहेको आयोगका सहसचिव एवम प्रवक्ता नरहरि घिमिरले जनाएका छन् ।
बिज्ञापन
