नेपाली काँग्रेस रसुवाको जिल्ला नेता नै सुन तस्करी प्रकरणमा मुछिएका छन् । ३ किलो सुन तस्करी र अपहरण अभियोगमा पक्राउ परेकाहरु पार्टी कमिटीमा रहेको खुलेको छ । जसमा पार्टीका कोषाध्यक्षसहित चार जना जिल्लास्तरका नेतालाई सुन तस्करी र अपहरण प्रकरणमा प्रहरीले पक्राउ गरेको हो ।
बिज्ञापन
तीन किलो सुन गायब प्रकरणमा नेपाल प्रहरीले ४ जनालाई पक्राउ गरेको छ । ३० कार्तिकमा रसुवाको साबिक धुन्चे गाविस तथा हालको गोसाईंकुण्ड गाउँपालिका ६ का ४३ वर्षीय नुर्बु तामाङ, रसुवाकै साबिक थुमन गाविस तथा हालको गोसाईंकुण्ड गाउँपालिका १ को ३५ वर्षीय बुद्धि तामाङ, रसुवाकै ३५ वर्षीय को नुर्वु सिङ्गी तामाङ र कालिका गाउँपालिका १ रसुवाका ४५ वर्षीय गोपाल तामाङलाई पक्राउ गरेको छ । प्रहरीका अनुसार,अपहरणमा संलग्न अन्य ८ जना फरार छन् ।
बिज्ञापन
पक्राउ परेकाहरु सबै रसुवा जिल्ला काँग्रेसमा आवद्ध छन् । रसुवा काँग्रेसका अनुसार नुर्पुसिंगी तामाङ गोसाइकुण्ड १ भार्खुका हुन । उनी रसुवा काँग्रेसको कोषाध्यक्षको जिम्मेवारीमा छन् । यस्तै पक्राउ परेका बुद्धिबहादुर तमाङ, गोसाईंकुण्ड गाउँपालिका–१ थुमनका हुन । गोसाईंकुण्ड–६ धुन्चे घर भएका टेम्पा नुर्पु तामाङ र कालिका गाउँपालिका–१ राम्चे घर भएका गोपाल तामाङ सबै काँग्रेस निकट हुन । बुद्धिबहादुर तामाङ रसुवा कांग्रेसको जिल्ला समितिका सदस्य हुन् । टेम्पा नुर्पु तरुण दल रसुवाको जिल्ला समिति सदस्यको जिम्मेवारीमा छन् । रसुवा काँग्रेसका एक पदाधिकारीका अनुसार,गोपाल तामाङ २०७४ को स्थानीय तह निर्वाचनमा कालिका गाउँपालिका वडा नम्बर–१ बाट वडा अध्यक्षको चुनाव लडेका थिए ।
प्रहरीका अनुसार तस्कर समूहले भरियामार्फत पठाएको तीन किलो सुन धादिङको खानीखोलामा लुटिएपछि तस्कर समूहका सदस्यले भरियालाई अपहरण गरी यातना दिएको र लुटिएको सुनको रकम तिराउन खोजेको बुझिएको छ ।
बिज्ञापन
प्रसग गत साउन २४ गतेको हो । साउन २४ मा केरुङबाट तस्कर समूहले कन्टेनरको चालक सिटभन्दा माथिको बत्तीमा सुन लुकाएर पठाएका हुन् । कन्टेनरमा अंगुर लोड गरिएको थियो । सोही सुन रसुवाको केरुङ नाकाबाट तस्करी गरेर ल्याइएको थियो । उक्त सुन खालीखोलामा पुगेपछि गायबमात्र बनाइएन कन्टेनर चालकलाई अपहरण गरियो । यही प्रकरणमा रसुवा कांग्रेसका जिल्ला नेता संलग्न रहेको भेटिएको हो । नुर्पुसहित ४ जना मिलेर कन्टेनर चालक रामकृष्ण वाइबा र उनको मामाको छोरा निमा छिरिङ तामाङलाई अपहरण गरेर बुढानकिलण्ठस्थित शैलजा रिसोर्टमा लगेर कुटपिट गरेको प्रहरी अनुसन्धानबाट खुलेको छ ।
यो प्रकरणमा राजस्व अनुसन्धान विभागबाट प्रहरीहरु समेत मुछिएका छन् । उनीहरु उपर पनि छानबिन भइरहेको प्रहरीले जननाएको छ ।
