रिक्त भएको ठाउँमा कर्मचारी खटाउन नसक्ने,सबैलाई एयरपोर्टमा थुपार्न खोज्दा अहिले अध्यागमन प्रशासनमा लफडा निस्किएको छ । गृहमन्त्री रमेश लेखकका सचिवालयमा पुगेका बद्री तिवारीको जोडबलमा पछिल्ला समय अध्यागमनका कर्मचारीहरु चलाउँदा लफडा भएको गृहका कर्मचारीहरुले बताएका छन् ।
बिज्ञापन
अहिले गृहका कर्मचारी प्रशासन महाशाखा हेरिरहेका छन्,छवि रिजालले । उनी पर्वते हुन । उनीझैं बद्री तिवारी पनि पर्वतकै उनै पर्वतेहरुको जोडबलमा अहिले त्रिवि अध्यागमनका कर्मचारी खटन पटन गरिँदा लफडा भएको बताइन्छ ।
तिवारी मन्त्रीको सचिवालयमा पुगेलगतै गृहले ३४ जना अधिकृतहरुलाई अध्यागमनमा खटाएको छ । त्यसरी अधिकृत खटाइँदा अधिकाश मन्त्रीका गृह जिल्ला र सूदुरपश्चिमका अफिसरहरुले छानेर अवसर पाएका छन् ।
अझैं रोचक त,त्रिवि अध्यागमनमा जम्मा ९ जना अधिकृतको मात्र दरबन्दी रिक्त छ जहाँ रिक्त दरबन्दी भन्दा दोब्बर बढी कर्मचारीहरु पठाइएको छ ।जबकी दरबन्दी रिक्त रहेको पोखरा,भैरहवा,रसुवा,सिन्धुपाल्चोकमा अफिसर नहुँदा कामकाज प्रभावित हुँदै आएको छ ।
बिज्ञापन
अध्यागमनको कर्मचारी परिचालन गर्दा कसैलाई माथै माथ हुने गरी एक पटक सरुवा भइसकेका अधिकृतहरुलाई घुमाइ फिराइ फेरि त्रिवि अध्यागमनमै खटाइएको छ । तर मन्त्री,सचिव,सचिवालयसँग नजिक नभएका र पहुँच नपुगेका कर्मचारीले कहिल्यै त्यहाँ जाने अवसर पाएका छैनन् ।
यसरी पटक पटक अवसर पाउने अधिकृतहरुमा कृष्ण न्यौपाने,लक्ष्मी भुसाल,रामचन्द्र शिवाकोटी लगायतका छन् । उनीहरु दोह्रर्याएर त केही तेह्राएर अध्यागमनमा पुगेका हुन । बाँकी रहेका १५ जना अधिकृतहरुलाई अहिले अध्यागन कार्यालयमै राखिएको छ । उनीहरुको जोडबल त्रिवि अध्यागमनमै केन्द्रित छ ।
जबकी भैरहवा,पोखरा,रसुवा,तातोपानी लगायतका कार्यालयहरुमा दरबन्दी अनुसारका कर्मचारी नभएर विजोग छ । गृह स्रोतका अनुसार भैरहवामा ६ अधिकृतको दरबन्दी रिक्त छ । त्यहाँ कर्मचारी खटाउन सकिएको छैन । यस्तै पोखरामा ९ अधिकृतको दरबन्दी रिक्त छ । त्यहाँ जाने कर्मचारी भेटिएको छैन ।
बिज्ञापन
गृह स्रोतका अनुसार,तातोपानी र रसुवागढीमा समेत अधिकृतको दरबन्दी रिक्त छ तर ती कार्यालयमा कर्मचारी खटाउन सकिएको छैन । यता त्रिवि अध्यागमनमा भने दरबन्दी भन्दा दोब्बर कर्मचारी पठाएर जात्रा देखाइएको छ ।
