सर्वोच्च अदालतले कम्प्युटर अपरेटरबाट बढुवा भएर विविध सेवा अन्तरगत कम्प्युटर अधिकृतका रुपमा कार्यरत कर्मचारीहरुलाई प्रशासनसहितका अन्य सेवा समूहतर्फ समायोजन र बढुवा हुन बाटो खोलिदिएको छ ।
बिज्ञापन
बृत्ति विकासमा असर परेको भन्दै कम्युटर अपरेटरबाट अधिकृतमा बढुवा भएका ८७ जना कर्मचारीहरुले नेपाल विविध सेवा अर्थात् प्राविधिक सेवाका कर्मचारीहरुले आफूहरुलाई अप्राविधिक सेवातर्फ समायोजन र बढुवा गर्नुपर्ने माग गर्दै सर्वोच्चमा रिट दायर गरेका थिए ।
बिज्ञापन
प्रशासनको उपसचिवमा बढुवा हुनुपर्ने आधार दाबी गर्दै ८७ कम्प्युटर अधिकृतले १८ चैत ०७५ मा सर्वोच्च अदालतमा रिट निवेदन दर्ता गरेका थिए । पटक–पटकको सुनुवाइपछि १२ औँ पटकमा २ असोजमा न्यायाधीशद्वय हरिप्रसाद फुयाँल र सुनीलकुमार पोखरेलको संयुक्त इजलासले निवेदकको मागमा रिट जारी हुने ठहर गरेको छ । यसको पूर्णपाठ भने आइसकेको छैन ।
उक्त रिटमा सर्वाेच्च अदालतले सेवा प्रवेश गरेपश्चात वृत्ति विकासको अपेक्षा राख्नु कर्मचारीको अधिकारको विषय भन्दै सर्वोच्चले समायोजन र बढुवाको बाटो खोलिदिएको हो ।
बिज्ञापन
नेपाल विविध सेवा अर्थात् प्राविधिक सेवाका कर्मचारीहरुले २०७५ सालमा आफूहरुलाई अप्राविधिक सेवातर्फ समायोजन र बढुवा गर्नुपर्ने माग गर्दै सर्वोच्चमा रिट दिएका थिए । उक्त रिटको सुनुवाइ गर्दै सर्वोच्च अदालतका न्यायधीशद्धय हरिप्रसाद फुँयाल र सुनिल कुमार पोखरेलको इजलाशले यस्तो फैसला गरेको थियो । सर्वोच्च अदालतबाट गत असोज २ गते विविध सेवा/समूहका कर्मचारीहरूलाई नेपाल प्रशासन सेवा (सामान्य प्रशासन, राजस्व र लेखा समूह) मा स्वतः बढुवा गरी समायोजन गर्न निर्देशनात्मक आदेश जारी भएको थियो । सो को पूर्ण पाठ हालैमात्र सार्वजनिक भएको हो ।
फैसलामा भनिएको छ,निवेदकहरुसँग सम्बन्धित पदसँगको विशिष्ट प्रकारको क्षमता र ज्ञान समेत नभएको अवस्थामा विद्यमान शैक्षिक योग्यता र तालिमको आधारमा अप्राविधिक पदमा समायोजनको माग राखेकोमा निजामती सेवा ऐन बमोजिम अप्राविधिक सेवा समूहतर्फ समायोजन गर्नुपर्ने देखिएको अदालतले फैसलामा उल्लेख गरेको छ । यस्ता कर्मचारीलाई पदीय जिम्मेवारी अनुसारको कार्य जिम्मेवारी नदिई राख्न कानुनअनुसार मिल्दैन ।
निजामती सेवा नियमावलीमा भएको व्यवस्था बमोजिम उनीहरु अप्राविधिक सेवा समूहतर्फ बढुवा हुन सक्ने देखिंदा निजामती सेवा ऐन बमोजिम समायोजन गर्दा अप्राविधिक सेवा समूहतर्फ समायोजन गर्नुपर्ने अदालतको फैसला छ ।
यससँगै कम्प्युटर अपरेटरबाट कम्प्युटर अधिकृत पदमा बढुवा भएका कर्मचारीहरुको समायोजन वृत्ति विकास सम्बन्धी विवादको टुंगो लागेको छ । अब त्यस्ता कर्मचारीहरुले प्रशासनसहित अन्य सेवातर्फबाट बढुवा वा समायोजन हुन पाउनेछन् ।
कम्प्युटर अपरेटर पूर्णपाठ
