राहदानी बनाउनदेखि सामाजिक सुरक्षा भत्ता लिनका लागि समेत अनिवार्य गरिएको नेशनल आइटी अर्थात राष्ट्रिय परिचयपत्र अब मोवाइलको सीम लिनदेखि बैंक खाता खोल्न समेत अनिवार्य गर्न लागिएको छ । सरकारले अबको तीन महिना पछि अर्थात आगामी माघ १ गतेदेखि अनिवार्य गर्न लागेको हो ।  गत असार १० गते नै राजपत्रमा प्रकाशन गरेर सरकारले यस्तो व्यवस्था गरेको थियो । यस्तो व्यवस्था आगामी १ माघदेखि अनिवार्य गर्न लागिएको हो । गर्न लागिएको हो ।

बिज्ञापन

नेपाल सरकारले राष्ट्रिय परिचयपत्र तथा पञ्जीकरण ऐन, २०७६ को दफा ३ र १० को प्रयोजनका लागि राष्ट्रिय परिचयपत्रको प्रयोग सम्बन्धमा उक्त निर्णय गरेको बताइएको छ । सरकारको स्वामित्वमा रहेका संस्था तथा निजी क्षेत्रबाट प्रवाह गरिने सार्वजनिक सेवा सुविधा प्रदान गर्न वा माग गर्न पेस गर्नुपर्ने नेपाली नागरिकता प्रमाणपत्रको सट्टामा राष्ट्रिय परिचयपत्र वा राष्ट्रिय परिचय नम्बर पेस गरी त्यस्तो सेवा सुविधा प्राप्त गर्न सक्ने बताइएको छ । यस अन्तर्गत बैङ्किङ तथा वित्तीय सेवा लिन, टेलिफोन तथा सिमकार्ड लिन, सामाजिक सुरक्षा कोषको सेवा लिन र घर जग्गा किनबेच सम्बन्धी सेवा लिन अनिवार्य रूपमा राष्ट्रिय परिचय पत्र लिएको हुनुपर्नेछ ।