भ्रष्टाचार मुद्दाका कारण निलम्बनमा परेका तत्कालीन मुख्य सचिव वैकुण्ठ अर्याल राष्ट्रिय योजना आयोगमा हाजिर हुने भएका छन् ।
चार महिना अघि गत असार ९ गते अख्तियार दुरुपयोग अनुसन्धान आयोगले अन्तःशुल्क स्टिकर छपाइ प्रकरणमा ३८ करोड रुपैयाँ घोटाला भएको निष्कर्षसहित विशेष अदालतमा मुद्दा दायर गरेपछि मुख्यसचिवको पदबाट स्वतः निलम्बनमा परेका थिए ।
बिज्ञापन
यस लगतै सरकारल आयोगमा उनका लागि ‘विशेष अधिकृत’को दरबन्दी सिर्जना गरेको थियो ।
बिज्ञापन
यो मुद्धामा विशेष अदालतले गत कात्तिक १४ गते अन्तःशुल्क स्टिकर घोटाला प्रकरणका ११ जना अभियुक्तमध्ये सुरक्षण मुद्रण केन्द्रका तत्कालीन कार्यकारी निर्देशक विकल पौडेल र निर्देशक सफल श्रेष्ठ गरी दुई जनालाई मात्र दोषी ठहर गरी बाँकी सबैलाई सफाइ दिएसँगै उनले क्लिन चिट पाएका हुन । विशेष अदालतका अध्यक्ष टेकनारायण कुँवर तथा सदस्यद्वय खुसीप्रसाद थारु र रितेन्द्र थापाको इजलासले पूर्व मुख्यसचिव अर्याललाई यो प्रकरणमा सफाई दिएको थियो ।
यो सँगै अवको मुख्यसचिव बैकुण्ठ अर्याल वा एकनारायण अर्याल भनने प्रश्न प्रशासनिक वृत्तमा उठ्दै आएको थियो । तर विशेष अदालतबाट क्लिन चिट पाएका अर्यालले अब राष्ट्रिय योजना आयोगमा हाजिर गर्ने भएका छन् ।
बिज्ञापन
प्रधानमन्त्री तथा मन्त्रिपरिषद् कार्यालय स्रोतका अनुसार,उनले प्रधानमन्त्री तथा मन्त्रिपरिषद्को कार्यालयबाट रमाना बुझिसकेका छन् । उनी अब राष्ट्रिय योजना आयोगमा हाजिर हुनेछन् । अर्याललाई यस अघि नै भ्रष्टचार मुद्धा लागेर ६ महिना निलम्बन पछि विशेषबाट सफाई पाएका मधुकुमार मरासिनीले स्वागत गर्नेछन् । राष्ट्रिय योजना आयोगका अनुसार अर्याल आजै योजना आयोगमा हाजिर हुनेछन् ।
