भ्रष्टाचार मुद्धा लागेर निलम्बनमा परेका मुख्यसचिव वैकुण्ठ अर्यालले विशेष अदालतबाट सफाइ पाएका छन् । मुख्यसचिव अर्यालसहित ११ जनालाई प्रतिवादी बनाएर अख्तियारले गत असार ९ गते मुद्दा दायर गरेकोमा चार महिना पछि नै विशेष अदालतबाट उनले सफाइ पाएका हुन ।
बिज्ञापन
सुरक्षण मुद्रण केन्द्रबाट अन्तःशुल्क स्टिकर छपाइका क्रममा अनियमितता गरेको आरोपमा मुख्यसचिव अर्यालसहित ११ जनाविरुद्ध भ्रष्टाचार मुद्दा दायर गरिएकोमा २ जना मात्र भ्रष्टाचारी ठहर भएका छन् भने ९ जनाले सफाइ पाएका छन् ।
बिज्ञापन
विशेष अदालतका अध्यक्ष टेकनारायण कुँवर तथा सदस्यद्वय खुसीप्रसाद थारु र रितेन्द्र थापाको संयुक्त इजलासले बुधबार अर्याललाई सफाइ दिएको हो।
यसअघि विशेष अदालतले उनलाई ५० हजार रूपैयाँ धरौटीमा छाडेको थियो।
यो प्रकरणमा आन्तरिक राजस्व विभागका तत्कालीन महानिर्देशक रितेशकुमार शाक्य, आन्तरिक राजस्व विभागका तत्कालीन उपमहानिर्देशक टंकप्रसाद पाण्डेय, आन्तरिक राजस्व विभागका तत्कालीन निर्देशक गणेशविक्रम शाही, आन्तरिक राजस्व विभागका तत्कालीन शाखा र अधिकृत रवीन्द्रप्रसाद पौड्यालले समेत सफाइ पाएका हुन । केन्द्रका तत्कालीन परामर्शदाता शक्तिप्रसाद श्रेष्ठ, स्टिकर छपाइको जिम्मा पाएको कम्पनी प्रिन्टसेल र यसका सञ्चालक केशव शर्मालाई पनि सफाइ दिइएको छ ।
यस प्रकरणमा ३८ करोड रूपैयाँ भ्रष्टाचार भएको अख्तियारको दाबी थियो। यसमा सुरक्षण मुद्रण केन्द्रका तत्कालीन कार्यकारी निर्देशक विकल पौडेल र निर्देशक सफल श्रेष्ठ दोषी ठहर भएका हुन् ।
बिज्ञापन
