परराष्ट्र मन्त्रालयको सचिव पद रिक्त भएको छ ।बेल्जियमका लागि प्रस्तावित राजदूत सेवा लम्सालको नाम संसदीय सुनुवाइ समितिले अनुमोदन गरेसँगै अब परराष्ट्र सचिव पद रिक्त हुन पुगेको छ । बुधबार बिहान बसेको संसदीय सुनुवाई समितिको बैठकले सरकारले बेल्जियमका लागि नेपाली राजदूतमा सिफारिस भएका लम्सालको नाम सर्बसम्मतबाट अनोमदन गरेको छ । समितिबाट अनुमोदन भएसँगै अब राष्ट्रपतिले उनलाई राजदूतमा नियुक्त गर्नेछन् ।
बिज्ञापन
यस अघि सहसचिव हुँदा पाकिस्थानको राजदूत चलाइसकेकी लम्साललाई सचिवबाट अवकाश अगावै सरकारले राजदूतको नियुक्ति दिएको हो । आज बिहान बसेको सुनुवाइ समितिको बैठकले उनलाई राजदूत बनाउने प्रस्ताव स्वीकार गरेको हो ।लम्साल २०८० मंसिर २९ मा परराष्ट्र मन्त्रालयको सचिव नियुक्त भएकी लम्साल परराष्ट्र मन्त्रालयको पहिलो महिला सचिव हुन् । उमेर हदका कारण उनी आगामी मंसिरमा अवकाश हुँदै थिइन् । त्यसअघि नै उनलाई राजदूत बनाएर पठाएको हो ।
बिज्ञापन
यो सँगै परराष्ट्र सचिव पद रिक्त हुन पुगेको छ । परराष्ट्र मन्त्रालयको सचिव पद रिक्त भएसँगै मन्त्रालयका सहसचिव एवम प्रवक्ता समेत रहेका सहसचिव अमृत बहादुर राई सचिवमा बढुवा हुने सम्भावना रहेको छ । संयुक्त राष्ट्रसंघका लागि नेपाली स्थायी प्रतिनिधिको कार्यकाल सकेर यही वर्ष फर्केका राईले चीन हेर्ने उत्तरपूर्वी डिभिजनको नेतृत्व सम्हाल्दै आएका उनी परराष्ट्रमा सबैभन्दा वरिष्ठ सहसचिव हुन् ।
अब रिक्त रहेको सचिव पदमा नियुक्तिका लागि लोकसेवा आयोगका अध्यक्ष माधवप्रसाद रेग्मीको अध्यक्षतामा रहेको सचिव बढुवा सिफारिस मन्त्रालयका बरिष्ठ सहसचिवहरु अमृतबहादुर राई, कृष्णप्रसाद ढकाल र निर्मलराज काफ्ले मध्य राई सबैभन्दा वरिष्ठ सहसचिव हुन् । परराष्ट्र मन्त्रालयमा वरिष्ठताका आधारमा सचिवमा नियुक्त हुने परम्परा रहदैँ आएको छ ।
सचिव बढूवाका लाइनमा रहेका ढकाल उत्तर पूर्वी एशिया महाशाखा प्रमुख र काफ्ले ब्राजिलका लागि नेपाली राजदूत रहेका छन् । प्रक्रिया नमिचि बढूवा भएको खण्डमा राई सचिव बन्नेछन् ।
