चलचित्र विकास बोर्डका सदस्य एवं प्रवक्ता केएल बुढाथोकी (खेतुलाल बिसी)ले बोर्डका खरिदारविरुद्ध उजुरी गरेका छन् । उनले जिल्ला प्रशासन कार्यालय काठमाडौँमा उजुरी गरेका हुन् ।
बिज्ञापन
बुढाथोकीले बोर्डका कर्मचारी निराजन गिरीविरुद्ध जिल्ला प्रशासन कार्यालय काठमाडौंमा उजुरी दर्ता गराएका छन् ।मंगलबार बिहान बोर्ड बैठकमा ‘अनधिकृत रूपमा प्रवेश’ गरेका गिरीले आफू ‘गुन्डा’ भएको भन्दै भौतिक आक्रमण गर्ने आशयसहित धम्क्याएको बुढाथोकीको उजुरीमा उल्लेख छ । गिरीमाथि कारबाही गर्न उनले माग गरेका छन् ।
बिज्ञापन
खरिदारले धम्की दिएपछि आफू बैठक छाडेर बाहिरिएको उल्लेख गर्दै खेतुलालले भनेका छन्,‘निराजन गिरिमाथि आवश्यक कानुनी कारबाही गर्न र मेरो जीवन सुरक्षाको लागि पहल गर्न अनुरोध गर्दछु ।’ जिल्ला प्रशासन कार्यालयले उनले दिएको उजुरी प्रहरीलाई फरवार्ड गरेको छ ।
गिरीले भने आफू बोर्ड बैठकमै नगएको जिकिर गरेका छन् । “म बोर्ड बैठकमै गएको छैन । कसरी यस्तो आरोप लाग्यो मलाई थाहा छैन,” उनले भने, “यसबारे मलाई केही थाहा छैन ।”
बिज्ञापन
