गोर्खा मिडिया नेटवर्क प्रालिमा सहकारीको रकम ल्याएर अपचलन गरेको आरोपमा राष्ट्रिय स्वतन्त्र पार्टी (रास्वपा) का सभापति रवि लामिछाने पक्राउ परे।
बिज्ञापन
शुक्रवार जिल्ला अदालत, कास्कीले पक्राउको अनुमति दिएपछि काठमाडौँमा रहेको रास्वपाको केन्द्रीय कार्यालयमा रहेका रविलाई पक्राउले कार्यालयबाटै पक्राउ गरेको हो।
बिज्ञापन
अदालतको अनुमतिसँगै जिल्ला प्रहरी कार्यालय, कास्कीले रविलाई पक्राउ गरेर पठाइदिन केन्द्रीय अनुसन्धान ब्युरो (सीआईबी) लाई अनुरोध गरेपछि सिआइबीबाट प्रहरी उपरीक्षक होविन्द्र बोगटी नेतृत्वको गएको टोलीले उनलाई पक्राउ गरेको हो।
लामिछानेलाई पहिलोपटक पक्राउ गर्न पनि बोगटी नै खटिएका थिए । लामिछाने पहिलोपटक २०७६ साउनमा पक्राउ परेका थिए । त्यतिबेला पत्रकार शालिकराम पुडासैनी आत्महत्या दुरुत्साहन प्रकरणमा उनी पक्राउ परेका थिए ।
बिज्ञापन
त्यो बेला बोगटी काठमाडौं प्रहरी परिसरमा डीएसपीका रूपमा कार्यरत थिए । बोगटीकै टोलीले त्यतिबेला लामिछानेलाई पक्राउ गरेर चितवन प्रहरीलाई बुझाएको थियो ।
