सर्वोच्च अदालतले एकै पटक २४२ कर्मचारीहरुको सरुवा गरेको छ । सरुवाको सूची अनुसार १ सय ९२ जना नायब सुब्बा नासु रहेका छन् । यस्तै अदालतले कम्युटर अपरेटर,पुस्तकालय सहायक,सर्भेक्षक,डिठ्ठा,तामेलदारहरुको सरुवा गरेको हो ।
सरुवा सूचीअनुसार सर्वोच्चका नायब सुब्बाद्वय शालिकराम पाण्डे र रविन्द्र ढुंगानालाई काठमाडौं जिल्ला अदालतमा र सर्वोच्चमा दरबन्दी रहेर काठमाडौं जिल्ला अदालतमा काजमा रहेका युवराज पन्थीको दरबन्दी काठमाडौंमै कायम गरिएको छ । त्यस्तै विशेष अदालतका नायब सुब्बा खिलाराज काफ्लेको पनि काठमाडौं जिल्ला अदालतमै सरुवा भएको छ ।

यस्का अलवा ३४ नासुहरुको काज सरुवा गरिएको छ भने सर्भेक्षक,डिठ्ठा,तामेलदारसहित ७१ जनाको काज सरुवा गरिएको छ ।