संघीय मामिला तथा सामान्य प्रशासन मन्त्रालयले एकै पटक ठूलो संख्यामा कर्मचारीको सरुवा गरेको छ । मन्त्रालयले ६ सय ४६ नासु र खरिदारहरुको सरुवा गरेको छ । गत भदौं ३१ गतेको निर्णय अनुसार विभिन्न निकायमा कार्यरत अनङ्कित र श्रेणी विहीन कर्मचारीहरूलाई सरुवा तथा कामकाजमा खटाएको हो ।
यस्तै मन्त्रालयले सोही मितिमा १३५ उपसचिवहरुको सरुवा टुंग्याएको छ भने २५७ शाखा अधिकृतहरुको सरुवा गरेको हो ।

संघीय मामिला तथा सामान्य प्रशासन मन्त्रालयले खरिदार,नासु,अधिकृतदेखि उपसचिव तहसम्मका १ हजार ३८ कर्मचारीको सरुवा टुंग्याएको हो । सरुवा सूची अनुसार सबैभन्दा धेरै खरिदार र नासु तहका गरी ६ सय ४६ जनाको सरुवा गरेको भने अधिकृत तहका कर्मचारी २५७ र उपसचिव तहका १३५ कर्मचारीको सरुवाको सूची सार्वजनिक गरेको हो ।