बिज्ञापन
सरकारले एक जना प्रशासकलाई पछिल्लो पाँच महिनाको अवधिमा ५ ठाउँमा सरुवा गरेको छ ।उनको सरुवाको ग्राफ हेर्दा भकुण्डोजस्तै यताबाट उता र उताबाट यता छेउकुना भइरहेका छन् ।
बिज्ञापन
सचिव भएको ३ वर्ष पूरा भएको छ । यो अवधिमा ८ पटक सरुवामा परेका छन् । अघिल्ला तीन सरुवा नियमित नै मान्न सकिएला तर पछिल्ला पाँच महिनामा उनी पाँच वटा कार्यालयमा सरवा भएका छन् ।
निजामती सेवामा कर्मचारी सरूवा सामान्य प्रक्रिया हो । तर यसो भन्दैमा मन नपरेका कर्मचारीलाई जति नै भकुण्डो बनाए पनि पाइने हो ? निजामती सेवा ऐनले नै सहसचिवभन्दा मुनिको पदमा दुई वर्षसम्म सरूवा नगर्नू भनेर उल्लेख गरेको छ ।
सहसचिव र सचिवको हकमा निजामती ऐन बोल्दैन। तर, कम्तीमा एक वर्ष सरूवा गर्न हुँदैन भन्ने मान्यता छ । तर यस्ता अपवाद सचिव पनि छन्,निजामती । उनी हुन मधुसुदन बुर्लाकोटी ।
अस्ति बसेको क्याविनेट बैंठकले उनलाई राष्ट्रिय तथ्यांक कार्यालयमा सरुवा गरेको छ । २१ असार २०७८मा सचिवमा बढुवा भएका बुर्लाकोटीको खरो र हक्की स्वभावका कारण कुनै पनि निकायमा लामो समय टिक्न दिइएको देखिदैन । सचिव बढुवा भएर सुदूरपश्चिमको मुख्यमन्त्री तथा मन्त्रिपरिषदको कार्यालयमा खटिएका उनलाई त्यहाँबाट पाँच महिना पछि प्रधानमन्त्री कार्यालय तानेर दुई महिनासम्म जगेडामा राखिएको थियो । २ महिना पछि ०७८ मा सार्वजनिक खरिद अनुगमन कार्यालयमा पठाइएको थियो । त्यहाँ डेढ बर्ष टिके उनी । ठेकेदारविरुद्ध कठोर भएर लागेका उनलाई साउन २०८० मा खरिद अनुगमन कार्यालयबाट उपराष्ट्रपतिको कार्यालयमा पठाइएको थियो । उपराष्ट्रपति कार्यालयमा ८ महिना काम गरेपछि भने उनी निरन्तर ‘भकुण्डो बनिरहेका छन् । १८ चैत २०८० सम्म उपराष्ट्रपति कार्यालयमा सचिव थिए । त्यसपछिका ५ महिनामा उनको ४ ठाउँमा सरुवा भइसक्यो । पछिल्ला ५ महिना १० दिनभित्र ५ वटा निकायका सरुवा भएका हुन बुर्लाकोटी ।
बिज्ञापन
१९ चैत २०८० मा उपराष्ट्रपति कार्यालयबाट बुर्लाकोटी स्वास्थ्य तथा जनसंख्या मन्त्रालयमा जनसंख्या सचिवका रुपमा सरुवा भएका थिए । यो उनले पाएको पहिलो संघीय मन्त्रालय थियो । तर त्यहाँ डेढ महिना पनि टिकेनन् । उनी पुन वित्त आयोगमा पुगे । ओली नेतृत्वको सरकारले १४ साउनमा एकसाथ २२ सचिव बुर्लाकोटी पनि परे । उनले यसपटक अप्रत्यासित रुपमा वाणिज्य सचिवको जिम्मेवारी पाएका थिए ।
त्यहाँ पनि बुर्लाकोटी लामो समय टिकेनन् । उनलाई वाणिज्य सचिवको जिम्मेवारी दिएर पठाइएकोमा डेढ महिनामै उनलाई केन्द्रीय तथ्यांक कार्यालमा
सरुवा गरिएको हो ।
निजामती सेवामा निष्ठावान,हक्की र खरो स्वभावका हुनु । कानुनले नमिल्ने र नहुने कुरा नगर्नु र हुँदैन भन्नु नै उनको कमजोरी हो,त्यही कारण पूर्व प्रशासक तथा सचिव गोपीनाथ मैनालीकै नियति भोगिरहेका छन्,मधुसुदन बुर्लाकोटी ।जो सचिव भएको पछिल्लो तीन बर्षमा आठ ठाउँमा सरुवा भएका छन् । शासकहरु उनीबाट कति त्रस्त छन् भने पछिल्ला पाँच महिनामा पाँच ठाउँमै सरुवामा परेका छन् ।
